DILI, (timorpost.com)— Sekretáriu Estadu Igualdade (SEI) enkontru realiza enkontru koordenasaun ho rede referál sira hodi atualiza servisu ne’ebé hala’o ona kona-ba advokasia no asisténsia ba vítimia violasaun bazeai ba jéneru.
Lei kontra violénsia bazeia ba jéneru fó kompeténsia ba SEI hanesan kordenadora ba iha advokasia, tanba ne’e, SEI organiza enkontru ho rede referál sira atu bele rona servisu ne’ebé hala’o ona durante ne’e, bainhira hetan kazu ruma no dezafiu saida de’it mak sira hasoru iha sira-nia providiénsia servisu ba kazu sira ne’e.
“Ohin iha mós providór direitus humanu, defensoria públika no mós membru rede referál. Iha enkontru ne’e katak iha dezafiu ruma ne’ebé iha maibé SEI hanesan mós instituisaun Estadu nia ka mákina Estadu ne’ebé responsabiliza ba iha advokasia”, Sekretária Estadu SEI, Elvina Sousa de Carvalho, informa ba jornalista sira iha salaun Maria Goreti SEI, Sesta, (22/03/2024).
Nia hatutan, “Ha’u hanoin SEI halo nafatin advokasia atu bele hakle’an liután providiénsia servisu ba iha vítima sira no mós asisténsia servisu ba vitima sira”.
Tanba ne’e, rede referál nia servisu importante tebes tanba bainhira hetan kazu sira transfere no mós sira fó asisténsia ba vítima sira no maluk vulnerábel sira atu asesu ba justisa.
SEI nia papél mak halo advokasia, dezafiu hotu ne’ebé instituisaun hetan sai hanesan mós bukae ba SEI atu bele halo nia advokasia, tamba papél SEI mak halo advokasia ida-ne’e. Kontinuasaun servisu sira ne’ebé mak SEI halo no nafatin halo advokasia atu bele hadi’a di’ak liután servisu rede referál nian. (*)
2,757 total views, 21 views today
Bele hare Video Seluk :