DILI (Timor Post)- Diretor Ezekutivu Interinu Fundasaun Mahein (FM), Abel Amaral, hatete ema ne’ebé kria jogu bola guling ne’e tenke iha responsabilidade ba sira-nia atividade hodi labele kontra regra Governu.
Nia hatete, Governu liuhusi Ministériu Turizmu Komérsiu no indústria (MTKI), hahú autoriza jogu bola goling ne’ebé antes Deside taka.
“Ami fundasaun mahein atu hato’o de’it, kuandu jogu reativa ona husi Governu, parte ne’ebé kria ne’e tenke mós toma resposabilidade ba sira-nia atividade ne’e rasik,” dehan nia liuhusi telefone, Domingo (31/07).
Nia dehan, kuandu Governu reativa fali ona jogo ilegál sira hanesan bola guling, tuir Fundasaun Mahein hanoin katak atividade jogu ne’e iha vatajen.
Nune’e, Nia hatete, kuandu jogu sira ne’e, sira uza sira nia Kapitál rasik, entaun sira mós tenke tau responsabilidade no kontribui ba Estadu oinsá atu labele akontese buat ne’ebé kontra orden públiku ka kontra Governu nia regras,” nia afirma.
“Enkuantu FM mós husu ba públiku liuliu ba alin estudante sira, jogu sira ne’e ema reativa la’ós dehan ita tenke ba hotu-hotu fokus ba jogu no husik tiha ita nia atividade aprendizajem ne’e lae,” nia informa.
Nia hatutan tan, Jogu ne’e buat ketak ida, knaar estudante buat ketak ida no servisu ne’e buat ketak ida, entaun parte sira ida-idak hala’o nia funsaun tuir nia kapasidade, atu nune’e la lbele interompe malu.
“Jogu ne’e konserteja iha lakon no iha manan, tanba ne’e mak kuandu ida lakon la santifas bele hamosu problema, nune’e mak ohin ha’u dehan hotu-hotu tenke tau responsabilidade ba nia atividade jogu nee, katak jogu ne’e livre maibé ita tau an, bainhira bele jogu no ha’u hakarak jogu ne’e to’o iha ne’ebé, banhira atu lakon ka manan karik labele hamosu fila fali konflitu,” nia preokupa.
Enkuantu Timor Leste (TL), agora presiza desenvolvimentu, nune’e ema hotu-hotu tenke kontribui iha desenvolvimentu liu-liu setór seguransa.
1,734 total views, 9 views today
