DILI (timorpost.com) – Prezidente Portugal, Marcelo de Sousa Rebelo, kalan ne’e oras (22.00 Portugal) tun direta ba Jardín Martin Moniz hodi observa direta kondisaun Timoroan ne’ebé daudaun toba hela iha Jardín refere.
Tuir informasaun ne’ebé Smnews asesu, konfirma ba Timoroan sira ne’e, ema númeru um iha Portugal ne’e husu direta sira-nia situasaun no oinsá bele asesu tama iha Portugal to’o enfrenta problema.
Hatán ba ida ne’e, Timoroan sira dehan, Ajensia balun iha Timor-Leste maka fasilita sira hodi garante de’it katak, ho númeru prosesu husi Embaixada Portugal nian iha Timor-Leste, sira bele hetán ona sertidaun narrativa ho passaporte portugueza nune’e bele haka’at liu fali ba Irlandia ho Englaterra nune’e bele hadi’a vida ekonomia família.
Maski nune’e realidade nakfilak oin seluk basa to’o iha Portugal, buat hotu lá la’o tuir saída mak hasoru nune’e ubriga sira tenke toba de’it iha Jardín hodi hein dokumentu ne’ebé parte ajensia promete ba sira.
“Buat ne’ebe Prezidente Portugal husu ba ami maka se mak haruka imi mai no halo saída? Ami hatán tuir ajensia balun ne’ebé dehan ami urus dokumentu iha ne’e lalais de’it no ba kedas Portugal mak hasoru hela situasaun ne’e,” informa sira ba Smnews.
Alende ne’e, iha vídeo ne’ebe Smnews asesu husi Timoroan Anacleto Aparico Lopes, mós komfirma, Prezidente Portugal husu direta ba sira no sira mós hatán katak, sira hakarak atu ba Irlandia no Englaterra.
Husi sorin seluk, alende Timoroan ho Númeru prosesu, balun mós la’o tuir ajensia balun ne’ebé Konfirma katak, iha Portugal servisu barak maibé realidade hasoru susar mak barak liu fali.
Tuir Timoroan sira ne’e katak, prezensa Prezidente Portugal ne’e halo sidadaun imigrante husi Índia, Bangladesh no seluk tan hakfodak tebes basa sira enfrenta problema kleur, maibé só Timoroan de’it mak Prezidente tun direta hodi haree. (**)
2,186 total views, 3 views today
Bele hare Video Seluk :
Subscribe to Timorpost
