Díli (timorpost.com) — Jogadór Timoroan Nain-6 hetán oportunidade hosi Greenvale United Soccer Club (GREENVALE UNITED SC) husi Austrália, kontratu ba Joga iha Austrália.
“Ami na’in-6 mak asina kontratu ho GREENVALE UNITED SC iha loron 10 fulan Agostu 2022,” Antonio Ximene (Tozy) husi kapitaun Akademika FC, dehan ba Timor Post Online Via Whatsap iha Sábadu (26/11).
Tozy dehan, hetan kontratu husi GREENVALE UNITED SC durante tinan 2, nune’e aban loron 27 fulan Novembru, na’in-3 ba uluk iha oras (13.00) ho Aviaun QANTAS AIRLINES ba Austrália Melbourne.
“Aban na’in-3 mak ba uluk, depois na’in-3 mak sei tuir iha fulan Dezembru 2022. Nune’e husi GREENVALE UNITED SC presiza na’in-6 de’it,” Tozy relata.
Nia afirma tan, na’in-3 ne’ebé aban ba ne’e kompostu husi Armindo Almeida (Ponta Leste), Santiago Xavier (LALENOK FC) no Nelson Viegas (Karketu Fc).
Husi ne’e sira kompleta hotu dokumentu ITC, ISM, liuhusi Federasaun Timor-Leste ho Austrália nian.
“Dokumentu ne’e ami kompleta hotu ona no mós kontratu ne’e ami asina kedas iha fulan kotuk. Entaun agora ne’e iha hela prosesu viza, tan ne’e mak na’in-3 ne’ebé aban ba ne’e sira-nia viza iha ona, ba ami na’in-3 ne’e hein semana ida ou rua ami mós tuir sira,” Tozy dehan.
Alende Jogadór na’in-6 husi FC Lalenok na’in-3, FC Akademiku-1, Ponta Leste-1 ho Karketu-1, asina ne’e hanesan personál de’it GREENVALE UNITED SC.
2,154 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Aban, Jogadór Timoroan Na’in-3 ba Joga Iha Austrália](https://timorpost.com/wp-content/uploads/2022/11/PSX_20221126_210137.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)