Dili (timorpost.com)—Prezidente Repúblika (PR) Jose Ramos Horta simu vizita husi Ministru Turizmu Reinu Arabia Saudita, Ahmed Al Khateeb ho nia ekipa iha Palásiu Prezidente Nicolau Lobato, Aitarak Laran, Dili.
Iha vizita ne’e Prezidente Republika ho Ministru Turizmu Reinu Arabia deskuti kona ba oinsa mak Timor-Leste bele partesipa espozisaun ne’ebe sei halao iha tinan oin inklui mos kooperasaun ekonomia entre nasaun rua.
Assessor servisu relasaun internasionál Prezidénsia Repúblika Deonizio Babu hatete Vizita ida ne’e hanesan vizita dahuluk depois ita estabelese relasaun bilaterál ho Arabia Saudita iha 2015.
‘’Vizita ida ne’e especial tebes tanba señór Khateeb lao halo volta iha Pasífiku depois husi Timor’’, Dehan Koordenadór Jerál Relasaun Internasionál, Deonizio Babo, iha Palasiu Prezidente, Kuarta-feira (06/09/2023).
Deonizio Babo afirma, iha sorumutu ne’e, Presidente Repúblika ko’alia asuntu bilateral balu, hanesan oinsá mak Arabia Saudita bele kontribui ba ita nia dezenvolvimentu.
Reinu Arabia Saudita kompremetidu preparasaun atu halo espozisaun iha tinan oin no oinsá Timor-Leste mós bele partisipa iha espozisaun ne’e, inklui posibilidade kooperasaun ekonomia entre nasaun rua.
1,938 total views, 3 views today
Bele hare Video Seluk :
Subscribe to Timorpost
