Baukau(timorpost.com)—Xefe suku Samalari, postu administrativu Baukau Vila nia planu Programa Mão de Obra Postu Administrativu (PMOPA) sei hadi’a estrada lokál iha suku Samalari.
“Ha’u nia planu PMOPA ne’e atu hadi’a de’it estrada lokál iha suku Samalari, tanba estra ne’e orsamentu PNDS nian antes ne’e ateiru di’ak tiha estrada ne’e kaber los, udan foin daudauk ne’e mak estraga hotu estrada sira ne’e”, dehan xefe suku Samalari, postu Baukau Vila, Rui Magno Sequeira, ba Timor Post, iha Baukau Vila Antiga, Tersa (13/)6).
Estrada ne’ebé Uza orsamentu PNDS nian ateiru estrada fronteira suju Seisál ba to’o Fronteira, suku Makalaku, postu Kelikai ne’ebé mak ho kualidade.
“Ami ateiru udan makaas bee halai iha estrada hamosu fali bee dalan iha estrada klaran, tanba ne’e ha’u iha ona planu programa PMOPA mai sei koloka ba iha ne’ebá atu taka netik kuak sira ne’ebé iha estrada klaran ne’e”, nia dehan.
Nia esplika, iha tinan 2015 estrada diresaun fronteira suku Seical ba to’o fronteira suku Makalaku iha programa PNDS nia orsamentu koloka ba ateiru estrada, maibé situasaun natureza halo transporte públiku no privadu asesu ba mai, bainhira udan bosok de’it difisil tebes.
Nia afirma, estrada fronteira suku Seical ba to’o iha fronteira suku Makalaku, postu administrativu Kelikai konsidera hanesan estrada nasionál.
“Tanba Estrada ne’ebé ami ateiru iha kilo metru 19, programa ateiru rai dezde tinan 2015, maibé atu hadi’a fali ita planu atu tau fali orsamentu PMOPA”, nia salienta.
Atuál xefe suku ne’e hatutan, haree ba realidade iha terrenu sempre mosu udan bens estraga estrada mak nia parte hato’o ona proposta ba Ministériu Obras Publika atu iha orsamentu jerál nian bele tau ona iha planu hodi fui ho alkatraun atu nune’e transporte asesu ba mai ho di’ak.
1,638 total views, 3 views today
Bele hare Video Seluk :
Subscribe to Timorpost
