DILI (timorpost.com) – Governu liuhusi Institutu Nasionál Estatístika (INE) Timor-Leste lansa relatóriu presu sasán iha fulan Maiu nia laran.
“Ami halo lansamentu rezultadu relatóriu presu sasán iha fulan Maiu nian ba iha públiku hodi hatene presu sasán ne’ebé tun sa’e hanesan iha fulan Maiu inflasaun 0.3% kompara ho fulan Abríl inflasaun 0.2%”, diretór jerál INE, Elias dos Santos, hateten ba Timor Post iha edifísiu INE Kaikoli, Tersa (13/06).
Diretór ne’e esplika, iha fulan Maiu iha inflasaun 0.3% mai husi dadus ne’ebé iha presu foos iha inflasaun 0.7% alkol tabaku inflasaun 0.2% modo tahan inflasaun folin modo metan, berinjela, tomate iha merkadu barak tanba iha tempu sira nian.
Inflasaun foos folin sa’e tanba iha fulan Maiu foos importasaun menus entaun foos nia folin sa’e no inflasaun transporte 0.6% impaktu husi motorizada folin tun no folin sa’e no merkadu kombustivel, gasoil, gazolina, iha rai laran mak laiha la’ós kombustivel maka folin sa’e.
Portantu, inflasaun ekipamentu hodi halo manutensaun ba mobiliáriu uma laran 0.9%, hatais sapatu inflasaun 0.1% sai hanesan mudansa kontráriu ba inflasaun grupu hotu-hotu hanesan bebidas la’ós alkólika sa’e 0.2% tanba hetan impaktu maioria husi sub grupu foos 0.7%, masin midar, marmelada, bani-been, xokolate, no hahán midar 1.5%.
Enkuantu, susu been keiju, manu tolun, 0.6% ho ai-fuan 1.0% mina bokur, 0.7% modo tahan 0.3%, ikan tasi 0.4% sai hanesan mudansa kontráriu ba inflasaun grupu hahán no bebida la’ós alkólika.
Nune’e mós, iha mudansa persentajen IPK annual sa’e 7.1% kompara entre fulan Maiu tinan 2023 ho fulan Maiu tinan 2022 hetan kontribuisaun husi grupu hahán bebidas la’ós alkóliku 7.7% no alkóliku ho tabaku 34.9%, inflasaun uma 0.4% no edukasaun 7.0%.
Enkuantu, komunikasaun 0.8% no hatais sapatu 1.6% ba annual fulan Maiu grau transporte 2.7% rekreasaun no kultura 1.1% no ekipamentu no manutensaun mobiliáriu uma laran 2.7% sai hanesan mudansa hotu-hotu iha fulan Maiu nia laran.
Nia dehan, importante maka presu hotu norma atu modo tahan ka foos presu normal atu nune’e komunidade iha area rurais no area urbana bele iha kbiit hodi sosa foos hodi bele konsumu ba nesesidade loron-loron nian.
1,845 total views, 3 views today
Bele hare Video Seluk :
Subscribe to Timorpost
