DILI—Prezidente Tribunal Rekursu ( PTR), Deolindo do Santos, informa daudaun ne’e partidu politika rua mak rejista ona Tribunal Rekursu ( TR), hodi kompete iha eleisaun parlamentár tinan ne’e.
“Lista kandidatura ne’e, to’o agora foin rua de’it mak tama Tribunal Rekursu, sira seluk ne’e seidauk tama, partidu rua ne’ebe mak rejista ona ne’e mai husi lista koligasaun Aliansa Demokratika ( AD), ho lista ida tan ha’u ladun lembra ona. Lista rua ne’e tama iha semana ida ne’e”, nia dehan hafoin partesipa iha aniversariu AMJTL ba dala-5, iha Sentru Formasaun Juridika no judisiaria, Kaikoli, Sesta ( 10/03) kalan.
Tuir nia, partidu sira ne’ebe rejista ona atu kompete iha eleisaun ne’e hamutuk-24, tuir loloos ne’e partidu 25, maibe ida labele tuir, tanba nia konstitui menus fulan 6 tuir lei hatete.
Nia dehan, hafoin partidu politiku sira aprezenta lista kandidatura, plenaria Tibunal Rekursu verifika tiha lai, fóin mak anunsia katak bele konkore ka labele.
Maiibe, tempu la’o ona naruk tebes husi loron 30 ne’ebe lei hatete, katak kandidatura ne’ebe apresenta apartir de entrada em vigor dekretu Prezidente Republika, signifika katak ohin loron Sesta ( 10/03), entaun hela loron lima deit ona
Tanba ne’e, nia apela ba partidu politiku sira hotu atu bele apresenta lista iha tempu ne’ebe mak lei determina, no mós atu bele fasilita Tribunal Rekursu atu halo verifikasaun ba lista sira ne’e, para atu bele foti desizaun ne’ebe ke mais adekuadu no justu ba lista kandidatura ne’ebe partidu sira apresenta.
“Entaun ita espera katak, antes de 15 ne’e Marsu tuku lima lokraik ne’e, lista kandidatu ba partidu sira seluk ou ka iha koligasaun karik bele mos tama ona, tanba prazu nee sei hotu iha dia 15 de Marsu 2023, iha oras tuku 05:00 lokraik”, nia fo hanoin.
Nia haktuir, banhira partidu poltiku sira apresenta tarde, mezmu ke tribual foti desizaun duni, mais presiza servisu ne’ebe mak extra barak liu tan, tanba kandidatura ne’e barak tebes, tanba ida ne’e mak antes tempu ne’e hotu, se bele sira apresenta ona lista.
2,076 total views, 3 views today
Bele hare Video Seluk :
Subscribe to Timorpost
