DILI (timorpost.com) — Relasiona ho Prezidente Autoridade Rejiaun Administrativu Espesiál Oe-kusi Ambenu (RAEOA), Arsénio Paixão Bano, nia vizita ba haree Ro Haksolok iha Portugál, Primeiru Ministru (PM), Taur Matan Ruak, afirma pozisaun kontinua luta ba Ró ne’e.
“Agora importante mak ita labele desiste (menyerah), tanba ita iha investimentu ida, hanesan ita halo negósiu, balu ita manan no balu ita bele lakon, maibé ida ne’e nian, ita sei iha posibilidade no kbiit hodi re-koopera ita-nia investimentu sira,” Xefe Governu relata hafoin enkontru ho Xefe Estadu iha Palásiu Prezidensiál, Bairru-Pité, Kinta (06/10).
Enkuantu husi Xefe Governu mós relata tan kona-ba Ro Haksolok ne’e empreza ne’ebé bankrut ba tiha Falencia.
“Ita sosa tiha nia saham porsentu 90, portantu kompañia ne’e agora ita nian saida mak ita halo, husu para halo hotu tiha Ro ne’e no depois nia bele halo atividade seluk, mais ne’e investimentu RAEOA nian.
Alende ne’e mós espetativa Governu nian sei mai duni, se la mai karik la konsege sosa kompañia ne’e.
“Ha’u fiar katak sei mai, tanba la mai karik ne’e ita la konsege sosa kompañia ne’e, agora se ita konsege iha saham barak. Liu iha kompañia ne’e, signifika katak Prezidente RAEOA ho Maun Marí rasik ko’alia iha televizaun katak sei mai, husi ne’e ha’u mós fiar katak sei mai,” PM Taur garante.
2,706 total views, 12 views today
Bele hare Video Seluk :
Subscribe to Timorpost
