Timor Post (24/12/2020)—Ministériu Saúde deklara Timor Leste rejista hikas ema na’in-9 pozetivu ba moras daet Corona (COVID-19). Husi númeru kazu ne’e, hotu-hotu importadu, katak seidauk iha trasmisaun lokal.
Ministra Saúde Odete Maria Freitas Belo haktuir, ema na’in-9 ne’e, na’in-3 izola ona iha Oekusi no seluk iha ona Sentru Izolamentu Vera Kruz, Dili.
“Kazu aumenta, fulan dezembru ita iha kazu 9, entaun aumenta kazu ne’ebé mak iha ita kuidadu tebetebes tanba ha’u tenki halo jestaun didi’ak. Maske kazu sira ne’e asimptomatik maibé dalaruma mós tanba de’it kazu asimptomatik entaun ita dehan ema lata’uk, hanoin dehan buat ne’e bosok tanba sira rasik lasenti moras. Iha laboratóriu hatudu katak pozitivu maibé ninia síntomas ne’e kuandu laiha entaun ema senti dehan ida ne’e laiha problema,” Ministra Odete hatete iha konferénsia ba imprensa, iha Salaun SAMES.
Nia subliña, ho kazu ne’ebé mak aumenta konsideradu 90% husi kazu fulan-fulan ida (1) de’it maibé ba fulan ida ne’e de’it sa’e to’o na’in-9.
“Ita haree kazu ne’e aumenta ne’ebé boot ba ami, no ami lakohi atu tu’ur nonok ho kazu ida ne’e ami koko atu konvida ita-nia parseiru sira, ajénsia sira nune’e mós ita-nia Ministériu sira ne’ebé mak durante ne’e ita serbisu hamutuk ho sira, ita-nia Ministériais sira ne’ebé mak haree hamutuk saidá mak bele halo,” Governante ne’e salienta.
Nia rekoñese, durante ne’e iha rai laran ema barak liu la preokupa ho regra sira kona-ba saúde públiku nian. Tanba ne’e, nia husu atu sidadaun hotu labele konsidera moras daet ne’e baibain de’it.
“Ita para tiha serbisu balun ezemplu hanesan uza maskara, fase-liman, ita koko atu ko’alia nafatin kada fulan kuandu kazu ida iha, ita tenki haree, ita hotu-hotu senti dehan ida ne’e hahahlok preventivu ida,” Ministra Odete preokupa.
Importante tebetebes liu-liu iha loron boot Natal no tinan foun ida ne’e atu bele la’o tuir fila fali protokolu preventivu ne’ebé mak ministériu saúde fó sai, uza maskara, fase-liman, uluk ita laiha desinfektan ou handsanitazer, ita buka maibé agora ema fa’an iha ne’ebé de’it fasil para bele hetan ne’e ha’u espera katak bele iha pelumenus bá Igreja ka bá merkadu ka fatin ne’ebé de’it ita-boot sira hakarak bá pasiar, lori ita-boot sira-nia handsanitazer tanba orsida ita-nia liman kona iha fatin ne’ebé de’it uza nafatin dezinfetan ba ita-boot sira-nia liman atu nune’e moras labele kona ita.
Mantein nafatin distánsia sosiál ho kazu 9 ne’ebé mak iha, ami seidauk foti desizaun ida klaru atu hapara serbisu tomak maibé ha’u hakarak atu apela katak se bele iha festa iha Natal bele bá partisípa misa maibé ho maskara nafatin se karik ita fila ba uma diakliu idak-idak iha familia iha uma. Ita prevene vizita família seluk nia uma, di,akliu ita iha ita-nia uma rasik. Sekarik sai ba liur atu sosa nesesidade uma laran nian, sekarik laiha importansia ruma di’akliu mantein hela iha uma ida ne’e mak importante bainhira ita lahatene ho kazu 9 ne’ebé mak iha saidá mak akontese iha ita-nia rai laran.
“Ami haree rasik hatudu katak laiha distánsia ne’e laiha tiha ona, ha’u nia hanoin ita bele foti disazaun atu bele re-screening fila fali ba sira tanba kazu pozetivu na’in 3 mak iha ne’ebá, entaun ami husik hela ekipa sira prepara ona halo re-screening ba sira hamutuk 168,” Ministra Odete afirma. (cao)
1,519 total views, 3 views today
Oinsa Ita nia Reaksaun iha Notisia Nee?
You have reacted on “TL Rejista hikas Ema Na’in-9 Pozetivu COVID-19,…”
Bele hare Video Seluk :
Subscribe to Timorpost1
/
2004
MEMBRU CSP NA'IN 12 KOMPLETA FORMASAUN ASEGURA ALTA ENTIDADE
POVU HUSU GOVERNU ATU DEZENVOLVE NASAUN HO DIAK LIU TAN NO KUALIDADE MOLOK ADERE BA ASEAN
PR HORTA AGRADESE BA LIURAI BRUNEI NE’EBE PARTISIPA IHA KOMEMORASAUN 20 MAIU
1
/
2004
