DILI (timorpost.com)—Komandu Munisípiu Dili, daudauk ne’e submete ona prosesu konfrontu iha Ailok-Laran, Suku Bairru Pite, Postu Administrativu Dom Aleixo, Munisípiu Dili ba ona Ministériu Públiku (MP).
Antes ne’e mós Polisia detein ona suspeitu ho naran inisiál RRM ho AS iha sela Eskuadra Dom Aleixo, tanba deskonfia involve iha kazu iha loron (24/12) kalan Otl.
“PNTL halo nia kna’ar, hodi identifika suspeitu nain-2 ne’ebé detein hela iha sela Eskuadra Dom Aleixo, hodi ba iha Ministériu Públiku hodi bele enkaminha ba iha Tribunal halo primeiru interrogatóriu,” dehan komandante PNTL Munisípiu Dili, Superintendente xefe Polisia Orlando Gomes ba Timor Post iha nia knaar fatin, Kuarta (27/12).
Entretantu molok ne’e, komandante munisípiu Dili mós hatete, motivu detein suspeitu na’in-rua ne’e, tanba deskonfia kria grupu rua hodi hamosu konfruntu iha area Ailok-Laran, Suku Bairru Pite, Postu Administrativu Dom Aleixo, Munisípiu Díli.
Enkuantu kazu refere akontese iha loron Domingo fulan Dezembru tinan 2023.
977 total views, 3 views today
Bele hare Video Seluk :
Subscribe to Timorpost
