(Reportagen José Caet/Editor Mateus da Cruz)
DILI-Prezidente Repúblika (PR), Francisco Guterres Lú Olo, sei kondekora Prezidente Repúblika Portugueza, Marcelo Rebelo de Sousa no Governadór Jerál Australia, David John Hurley, ho grau Grande Colar.
Prezidente Repúblika realiza Serimónia ne’e iha Palasiu Prezidensiál Ai-Tarak Laran.
Prezidente Repúblika Portugueza, Marcelo Rebelo de Sousa, nu’udar sidadaun mundu nian, ne’ebé defende valores universais hanesan pás, liberdade no autodeterminasaun povu, liberdade espresaun, fraternidade entre povu husi nasaun oioin, no valores seluk ne’ebé sai komun ba timoroan sira.
Kondekorasaun bazeia dekretu Prezidente Repúblika númeru 28/2022 loron 18 fulan Maiu.
“Iha tinan 20 restaurasaun independénsia domin ne’ebé prezidente Marcelo Rebelo de Sousa sente ba Timor-Leste no husi povu timorense halo há’u pessoalmente sente domin husi timoroan ba Portugal, ba portugés no Língua Portugeza,” Timor Post Asesu Komunikadu Imprensa ne’e iha gabinete Presidente Repúblika, Kinta (19/05).
Governadór Jeral Australia nu’udar belun boot Timor-Leste nian. Ligasaun atual Governadór Jerál Australia ho Timor-Leste hahú tiha ona molok Restaurasaun Independénsia.
David Hurley komanda Primeira Brigada iha tinan 1999 no 2000 iha Darwin, apoiu operasaun lidera husi Australia iha Timor-Leste durante períodu ne’e.
“David Hurley, governadór jerál Australia, dezde 2019, kontinua guia nia komportamentu atu hasa’e sentidu Estadu ne’ebé karateriza, hametin relasaun amizade entre Estadu no Povu Timor-Leste no Australia”, nia hateten.
Agora mak to’o ona momentu katak Repúblika Demokrátika Timor-Leste no Povu Timorense rekoñese, ho gratidaun ne’ebé dezenvolve husi David Hurley.
Orden Timor-Leste kria husi Dekretu Lei númeru 20/2009, 6 Maiu ho objetivu atu rekoñese no agradese nasionais no estranjeirus, tanba sira-nia komportamentu ou aktu ne’ebé sira pratika, iha kontributu signifikativu ba benefísiu país, timoroan ou umanidade.
Orden Timor-Leste iha grau haat, ida mak Grande colar. Grande colar atribui eskluzivamente atu agrasia Xefe Estadu husi paízes soberanu.(Lee Notísia Seluk Iha Jornál Timor Post/ Asesu You Tube Timor Post)
865 total views, 3 views today
Bele hare Video Seluk :