Reportajen Estaziada Beatriz Belo/Asistente Editor Hermenegildo da Costa Tilman)
Dili (Timor Post)— Polisia Nasional Timor-Leste (PNTL), bandu komunidade sira atu la bele uza estrada Públiku halo garajen hodi para sira nia transporte privadu.
Tuir Segundu komandante PNTL Munisípiu Dili, Superintendente Polisia João Pires, hatete ba Komunidade sira ne’ebé mak uza estrada públiku hodi sai garajen ba transporte privadu tuir lei kódigu estrada la iha komunidade ida mak uza estrada públiku halo fali garage ba sira transporte.
“Ita nia lei kódigu estrada iha hela, mais ha’u la lembra ona, maibé la autoriza para uza estrada públiku hodi halo garage, se karik ba oin mak ita hetan komunidade sira uza estrada públiku sai garage hodi para transporte privadu, tenke prosesa tuir Lei, para hodi ba selu iha kofre estadu’’ informasaun ne’e hato’o husi Segundu komandante PNTL Munisípiu Dili, Superintendente Polisia João Pires, Sábadu (11/06).”
Nia dehan, tanba iha tinan kotu mós ita halo ona sosializasaun asuntu ida nee, para se de’it mak iha karreta tenke uza sira nian garage rasik hodi para sira nia karreta privadu.
Kona ba ida nee, Polisia la servisu mesak para atu hare ba asuntu ida nee, maibé sei servisu hamutuk ho DNTT no servisu hamutuk ho prezidente Autoridade Munisípiu Dili, tanba ornamentu territoriál ne’e la’ós Polisia mesak. Nia Hakotu (Lee Notísia seluk iha Jornál Timor Post/Asesu You Tube Timor Post)
924 total views, 3 views today
Bele hare Video Seluk :
Subscribe to Timorpost
