DILI(Timor Post)—Votante sira iha tantu ferik, joven, katuas hahu hosi tuku 7 dader antrian ona iha sentru votasuan 10 Dezembru hodi ezerse sira nia direitu votu.
Durante prosesu votasaun, fiskais sira fó uluk prioridade ba ferik no katuas, inan isin rua ema ho defisientisa sira hodi fó uluk sira nia votus.
Eleitor Idelta Maria Rodrigues, sente kontente tanba haree komunidade barak iha vontade makas hodi mai vota, ida ne’e hatudu katak povu hakarak fó sira nia votu ba partidu nebe sira hakarak hodi hadia nasaun ba oin.
“Nudar sidadaun hau hanoin katak povu antusiasmu ne hatudu katak povu sira hakarak hatudu duni saida maka sira hakarak iha futuru oin mai, hau haree katak povu hatene ona saida maka sira atu hili,” nia hatete ba Jornalista iha sentru votasaun 10 Dezembru, Komoro.
Entretantu, komunidade, Maria Viana, husu ba partidu nebe manan tenke garantia povu moris.
“Ami husu ba partidu sira tenke hamutuk dezenvolve rai timor ho atu nune ami bele buka moris ho diak,”
Tuir observasaun iha oras tuku hitu dadeer votante sira seiduak barak maibe tama ona ba tuku ualu komunidade barak maka nadodon mai iha sentru votasaun hodi ezerse sira nia votu.
804 total views, 3 views today
