(Reportajen Estaziadu Mariano Abi/Asistente Editor Hermenegildo da costa Tilman)
Dili (Timor Post) – Prezidente Institutu Para a Defesa dos Direitos da Crianças, Institutu Públiku (INDDICA, IP sigla Portugés), Dinorah Granadeiro, hatete, ohin ita selebra loron internasionál ba labarik nian ne’ebé mak monu iha loron 01 fulan Juñu 2022 liu ba, maibé ohin ita foin selebra.
Atividade ne’ebé mak ita halo mak, kompetisaun dezeñu ho ninian objetivu atu espresa labarik sira nia koñesimentu no diretu rasik, liu husi dezeñu.
“Maski ita selebra ona iha munisípiu Lautem, maibé ami hanoin katak, presiza mós halo buat ruma ba labarik sira iha kapitál Dili, atu sira mós iha hanoin hodi kontinua katak, loron 01 fulan Juñu ne’e sira nian”, nia dehan iha Palásiu Presidente Bairo-Pite Sábadu, (11/06).
Nia hatutan, kompetisaun dezeñu ne’e fahe ba kategoria rua, ida maka, husi tinan 4 to’o tinan 7 ne’e espresa sira nia sentimentu de’it, ita la fó tema ba sira, nune’e ba ida fali maka, husi tinan 8 to’o 12 maka ita fó tema, liga ho loron labarik nian, no diretu labarik nian atu sira espresa nia koñesimentu kona-ba sira nia diretu rasik. nia afirma.
Nia relata tan, eventu ne’e realiza husi INDDICA, maibé ba fatin ne’e apoiu husi Casa Sivíl, Prezidente Repúblika, Care International, PLAN Internasionál, United Nations Children’s Fund (UNICEF), ne’ebé mós ho ita nia Lei advokasia sira ne’ebé mak hamutuk iha ne’e.
Eventu kompetisaun ne’e, ita halo ba loron sorin de’it, durante iha oras rua nia laran, tuir rejistu ne’e kuaze 200 labarik maka partisipa iha eventu kompetisaun ne’e.hakotu. (Lee Notísia Seluk Iha Jornál Timor Post/ Asesu You Tube Timor Post).
1,733 total views, 6 views today
Bele hare Video Seluk :