DILI—Atu tama ona ba atividade kampaña eleisaun parlamentár partidu polítika sira hato’o sira nia programa iha terrenu, nune’e Prezidente Institutu Defeza ba Direitu Labarik (INDDICA, sigla portugés), Dinorah Granadeiro, alerta ba eskola sira iha Timor laran tomak atu labele hapara prosesu aprendizajen iha loron kampaña.
“Ami halo koordenasaun ho Ministériu Edukasaun Juventude no Desportu iha fulan kotuk inisiu Marsu nia laran “halo kedas koordenasaun. Tanba direitu ba dezenvolvimentu mak ida importante ba labarik sira kontinua asesu ba edukasaun”, Dinorah Granadeiro, informa iha atividade briefing iha salaun Maria Gorete, SEII, Kaikoli, Sesta(14/04/2023).
Maibé bainhira iha eleisaun prosesu aprendizajen ne’e so bele para de’it iha loron votasaun.
“Ne’ebé ba tempu kampaña no post kampaña prosesu aprendizajen tenke la’o normal”, nia informa.
Ne’e ko’alia iha konvensaun direitu labarik, entaun sira halo koordenasaun ho Ministériu Edukasaun, sira rasik halo pedidu ofisial ba iha Ministru Armindo Maia, bele hatún despaxu ka regulamentu ruma ba eskola hotu iha territorial tomak hodi labele hapara prosesu aprendizajen liuliu ba manorin na’in sira labele abandona prosesu aprendizajen iha loron kampaña.
1,350 total views, 3 views today
Bele hare Video Seluk :
Subscribe to Timorpost
