Oekusi (timorpost.com)—Partidu Frente Revolusionáriu Timor-Leste Independente (FRETILIN), iha Domingo (07/05) hala’o komísiu eleitorál iha Rejiaun Administrativu Espesiál Oekusi Ambenu (RAEOA), Postu Nítibe, Suku Suni-ufe, Aldeia Bimeol.
Sekretáriu Partidu FRETILIN, Mari Bin Amude Alkatiri, hatete, Oekusi presiza infraestrutura ponte no irrigasaun ida ne’ebé di’ak no kualidade hodi funsiona povu sira halo natar ho toos, hasae produsaun rai laran.
“Infraestrutura harii ponte no barrajen ne’e importante atu tulun ita nia povu agrikultura sira hodi mellora produtu lokál sira hanesan toos, natar ho di’ak. Sistema infraestrutura ponte no irrigasaun ne’e presiza hadi’a atu bele funsiona, povu bele hasae produtu produsaun iha rai laran. Bainhira ponte no irrigasaun la di’ak maka impaktu mós ba kualidade produsaun povu nia produtu”. Haktuir Sekretáriu Jerál FRETILIN, Mari Alkatiri iha ámbitu kampaña eleisaun parlamentár iha Oekusi (07/05).
Nia haktuir, bainhira FRETILIN mak kaer ukun iha governu da-Sia sei tau prioridade liu ba hadi’a infraestrutura hanesan ponte no irrigasaun sira ba povu Oekusi ho di’ak.
“Presiza halo Planu kontrolu mota sira hodi hadi’a ponte no irrigasaun ho di’ak atu bele satan bee sira hodi labele estraga komunidade sira nia toos ho natar”
Nia hatete, Infraestrutura tenke kualidade atu povu bele aproveita sira nia rai bokur no bele aumenta sira nia produsaun iha produtividade.
“Irrigasaun importánsia halo eskovimentu produtu, para aumenta produsaun, produsaun sobre iha valor kuandu fan ita nia haree no batar no ita nia produtu sira seluk bainhira ita lori too merkadu, signifika tenke iha estrada no ponte ne’ebé integradu se estrada, ponte, no barrajen la di’ak atu asesu ba merkadu susar no ikus produtu povu nian estraga”
FRETILIN nafatin hanoin katak saida mak hahú ona iha Oekusi, no saida mak atu kontinua iha Oekusi sei sai nafatin kontinua, tanba FRETLIN ho prinsípiu katak liberta povu husi kiak no mukit. Ida ne’e FRETILIN halo ona no nafatin sei kontinua halo di’ak ba povu nia moris.
Programa FRETILIN nian iha Nono governu maka, oinsá atu halo dezenvolvimentu ba zona ekonómiku dezenvolvimentu aseleradu hanesan infraestrutura integradu, dezenvolvimentu aseleradu infraestrutura, aumenta produsaun produtividade no komersializasaun.
Antes ne’e, Infraestrutura Edukasaun, Saúde importante, tuir kedas infraestrutura integradu para dezenvolvimentu diversifikadu, maibé buat hotu tenke integradu, signifika bainhira halo dezenvolvimentu infraestrutura integrada no komersializasaun presiza iha justisa, signifika hamutuk hamoos tiha korrupsaun (KKN), nepotizmu, familiarizmu iha rai doben ne’e.
1,727 total views, 3 views today
Bele hare Video Seluk :
Subscribe to Timorpost
