ADVERTISEMENT

Estudante 1130 Partisipa Kursu Direitus Umanus iha Edisaun Dahuluk

Mario da Costa - Edukasaun
Jornalista : Komunikadu Imprensa
  • Share
Formadora hanorin hela formandu sira, Imajen Esp.

DÍLI (timorpost.com) – Sentru Direitus Umanus hosi Universidade Nasionál Timor Lorosa’e (UNTL), remata ona edisaun dahuluk ba kursu foun hanaran “Introdusaun ba Direitus Umanus iha Sudeste Aziátiku” ne’ebé tama hanesan disiplina transversál ba tinan akadémiku 2021/22.

Tuir Komunikadu Imprensa Timor Post, asesu Sesta (13/10), katak kursu ne’e implementa ba dahuluk nian nu’udar edisaun pilotu iha fakuldade 5 hosi 9, alende envolve departamentu 13, dosente na’in-21 no ho inskrisaun hosi estudante na’in-1130, ho mane na’in 532 no feto na’in 598. Maizomenus 85% hosi totál estudante liu ezame ho susesu, balun ho nota aas liu hanesan Fazia Maria Pinto Ferreira.

ADVERTISEMENT
SCROLL FILA BA NOTISIA


Fazia hanoin katak, direitus umanus mak universál, loke ba ema hotu la ho deskriminasaun ba rasa, etnia, lian, seksu, relijiaun, nst.

Lee Mós :
MAKLN Prevé Millaun $1 Resin ba Bolsa Estudu Veteranu Nia Oan

“Nu’udar estudante UNTL nian, ha’u sente laran-kmanek tanba matéria ne’e tama ona ih UNTL nia curriculum, no ha’u sei hakarak aprende liután iha futuru”, nia hateten.

Formadór hanorin hela formandu sira, Imajen Esp.

Durante kursu ne’e, estudante sira aprende no fahe hanoin kona-ba direitus umanus nia istória no fundamentu sira, mekanizmu protesaun internasionál no rejionál, direitus hosi grupu espesífiku sira hanesan kestaun temátika sira seluk ne’ebé relevante liu iha nível lokál.

Hamutuk Kampus Global ba Direitus Umanus no programa rejionál hosi GC Ázia-Pasífiku, ho baze iha Universidade Mahidol (Bangkok), mak dezenvolve experiénsia no ferramenta sita atu implementa kursu ne’e.

Prosesu ne’e envolve mós kooperasaun ho parseiru estratéjiku sira seluk hanesan Centro Nacional Chega (CNC), Provedoria ba Direitus Umanus no Justisa (PDHJ), Rede Universitária ASEAN (AUN-HRE) no konsultasaun ho OSS lokál iha Timor-Leste atu prepara estudu kazu no ezemplu sira.

Lee Mós :
MEJD Distribui Sertifikadu ba Jornalista Na’in-23

Tuir Prof. Bernardo Idalina Leto, formandu ida iha Sentru ne’ebé sai hanesan formadór ba direitus umanus, “hatama kursu direitus umanus iha UNTL nia curriculum nu’udar matéria obrigatória ba estudante hotu permite haklean sira-nia koñesimentu kona-ba direitus umanus no hanesan meta ida ne’ebé alkansa ona to’o agora. Ida-ne’e nu’udar garantia ba sira hodi defende valór direitus umanus nian durante sira nia moris”.

Kursu ne’e sei kontinua fali iha 2022-23 ba fakuldade UNTL hotu liuhosi ekipa ho dosente na’in-40 ne’ebé inklui grupu formandu daruak hosi Sentru Direitus Umanus nian ne’ebé remata ho susesu formasaun ba formadór ne’ebé Sentru ne’e organiza iha 2022.

Lee Mós :
ADTL Aprezenta Rezultadu Peskiza 2022 ba USAID, Asesu Iha Edukasaun

Sentru Direitus Umanus UNTL nian hamosu ho projetu kapasitasaun ne’ebé implementa hamutuk Kampus Global ba Direitus Umanus ho apoiu hosi Uniaun Europeia dezde 2019.

Projetu ne’e nia objetivu mak dezenvolve edukasaun ba direitus umanus iha UNTL, no daudaun hala’o ninia faze akompañamentu hodi halo konsolidasaun graduál na Sentru ne’e no ninia atividade sira.

Iha fulan-dezembru tinan 2022 mak planu atu entrega Sentru ba Universidade Nasionál.

 2,008 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estudante 1130 Partisipa Kursu Direitus Umanus …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No