Dili(timorpost)—Ekipa hosi Ministériu Saúde hamutuk ho voluntáriu Krús Vermella Timor-Leste (CVTL, sigla Portugés) no apoiu hosi Estudante Finalista Fakuldade Saúde Públika no Siénsia Médika Universidade da Paz (UNPAZ) hala’o asaun intervensaun ba moras dengue liuhosi atividade promosaun edukasaun saúde no fomigasaun masál iha Tasi Tolu no Maslidu.
Atividade fomigasaun ne’e hodi oho de’it susuk adultu. Asaun prevensaun ba denge ne’ebé efetivu liuhosi uma kain ida-idak nia responsabilidade, halo limpeza hodi halakon susuk nia knuuk uma laran to’o mai uma li’ur.
Hamoos bee iha dispenser okos, Hamoos bee iha vazu ai-funan, Hamoos Bidon, Tanke ka fatin Rai Bee semana ida dala ida hodi susuk labele rai nia tolun laran.
Orgullu ba komunidade hotu ne’ebé ohin dadeer koopera ho di’ak iha atividade intervensaun ne’e.
Asaun intervensaun ne’e hahú ohin iha Postu Administrativu Dom Aleixo no sei kontinua to’o postu administrativu sira seluk iha Munisípiu Dili.
2,100 total views, 6 views today
Bele hare Video Seluk :
Subscribe to Timorpost
