(Reportajen Jaime Pires/Editor Mateus da Cruz)
DILI (Timor Post)- Ministériu Interior (MI), haruka ona karta ba Polísia Nasionál Timor Leste (PNTL), hodi buka tuir autór prinsipál ne’ebe lansa informasaun katak iha lider balun haruka Vise Ministru Interior, Antonio Armindo hodi tiru lider na’in rua, Ramos Horta no Kay Rala Xanana.
“Ha’u haruka gabinete prepara ona karta no foti hotu ona ID Falsu ida Públika Informasaun iha Facebook ne’e no karta foin lorokraik ne’e haruka ona ba Komandu Jerál PNTL, Faustino da Costa no Diretór PCIC”, hatete Vice Ministru Interior, Antonio Armindo, ba jornalista sira, Sesta ne’e.
Lee Notisia Relevante : PNTL Sei Kaptura Autór ID Falsu Espalla Informasaun Tiru Lider Na’in Rua
Nia hatete, karta ne’ebe haruka ba komandu Jeral PNTL hodi autoriza Polísia Sientífika Investigasaun Kriminál (PCIC-Sigla Portugés) no Polísia Nasionál Servisu Investigasaun Kriminál (PNSIK), hodi buka tuir autór nune’e bele ba hatán tuir lei ne’ebé vigor iha nasaun ne’e.
Vice Ministru konsidera informasaun ne’ebé ema lansa iha mídia sosiál ne’e bosok no husu ba públiku lalika fiar.
“Ha’u hanoin fali informasaun ne’e laloos no ita iha Timor-Leste ne’e mak gosta gosip hanesan nia rona informasaun husi ema seluk, nia bá konta tuur tan husi A to’o Z,” nia dehan
Tanba tuir nia, lider sira hanesan Xanana, Horta, Taur, Lere, Lú Olo, Falur no lider sira seluk presiza fó seguransa másimu.
Relasiona ho karta hosi Ministru Interior, Portavós Komandu Jerál Polisia Nasionál Timor Leste, Superintendente Xefe, Armando Monteiro, hatete, daudaun parte Relasaun Públika PNTL seidauk simu karta hosi Ministru Interior kona-ba atu halo kapturasaun ba autór espalla informasaun falsu iha Facebook.
“sim ha’u seidauk fó komentáriu lai kona-ba ida ne’e, karik karta mai ona Komisáriu, ha’u sei konfirma lai, karik iha ona segunda mak ita sei fó sai fali informasaun, tanba daudaun ne’e, relasaun públika seidauk simu,” dehan Portavós ba jornalista Timor Post.
Iha fatin seluk, liga ba autór ne’ebé publika informasaun ne’e, tuir jurista Sergio Quintas, bainhira ema ruma utiliza mídia sosiál hodi fó sai informasaun falsu ne’ebé prejudika ba ema seluk, kazu ne’e tama iha prosesu sivíl ida ho naran Injuria ka difamasaun.
Nia dehan, se parte polisia identifika ona autór no autór rasik rekoñese mak bele akuza mós ho krime de vasa.
“kuandu ita hatene autór loloos ne’ebé espalla informasaun bele imputa ba nia ho krime de Vasa, maibe kuandu la hetan polisia bele buka tuir ho krime difamasaun, nune’e kuandu hetan bele loke prosesu ida ba autór liu hosi Sivíl ho naran em juria ka asaun Boa Nome,” nia dehan.
Tanba tuir lei mos Krime n’ee tama iha kategoria semi públiku nia prosedimentu depende ba keixa kuandu ema ruma ka entidade vítima sente prezudikadu ba nia vontade no liberdade foin bele halo keixa.
Autor ne’ebé komete krime de vasa nia moldura ka ameasa pena tinan rua kadeia ka multa.(Lee Notísia Seluk Iha Jornál Timor Post/ Asesu You Tube Timor Post)
883 total views, 3 views today
Bele hare Video Seluk :
Subscribe to Timorpost
