DILI (timorpost)—Ministru Obras Publika, Samuel Marçal, hatete ponte Bekusi la tama iha programa konstrusaun Ministériu nian. Nonu Governu sei la kontinua.
Governu atuál sei la halo konstrusaun ba Ponte Bekusi tanba ponte di’ak hela, ne’e governu anterior mak sala ba hodi sobu tau ponte temporariu.
“Ponte Bekusi ha’u lembra tinan hirak ba kotuk ha’u liuhusi ne’ebá sira husu dehan halo ponte tanba mota boot labele liu depois halo hotu tiha ponte agora sobu fali sira hakarak halo saida tan, ne’e ha’u lahatene tanba uluk halo tanba problema inundasaun la’ós ponte ne’e mak sala,” dehan nia ba Jornalista iha Palasiu Governu, Kinta (17/08/2023).
Nia dehan, ne’e problema husi ambientál ne’ebé ladún kontrola husi sosiedade sira, ne’ebé kee rai iha foho leten halo rai sira monu tun mai sai hanesan obstákulu ida para afeta ba inundasaun hodi sai problema mais la’ós ponte mak sai problema.
“Agora uluk ita gastu osan halo tiha ponte see sobu tiha hakarak halo fali ponte nusa la husik ba (mantein) kala uluk la gosta ne’e mak sobu hakarak tau fali kalén aat ida-ne’e mak di’ak,” dehan nia.
Membru Governu ne’e haktuir, Ponte Bekusi uluk ADN mak halo dezeñu maibé agora ADN atu halo dezeñu saida tan. Tanba ne’e la tama iha programa konstrusaun Nono Governu nian.
1,209 total views, 3 views today
Bele hare Video Seluk :