DILI (timorpost.com)—Diretor Jeral Tekniku Sientifiku Institutu Nasional Saude Publiku, Timor-Leste (DGTC-INSP-TL) Frederico Bosco Alves do Santos, hatete, enkontru ida ne’e ho objetivu atu aprezenta peskiza sentru intreinamentu, ospital regional no ospital referal kona ba sira ninia prestasaun servisu baziku iha fasilidade saúde ne’ebe sira presta ba.
“Ohin ita halo aprezentasaun ida ba iha peskiza ba iha sentru intreinamentu no mos ospital regional no ospital referal kona ba sira ninia prestasaun servisu baziku ba kuidadus baziku no mos kuidadus kritikus sira ne’ebé mak ita nia fasilidade saúde sira ne’e presta,” nia dehan iha salaun Institute de Saúde, Kuarta (16/08).
Diretor ne’e dehan, pesquisa ne’ebé mak ita halo ho objetivu atu asegura no deteta moras sira ne’ebé mak persija atu hetan atendimentu.
nia haktuir, iha sorin seluk peskiza mos buka atu hatene maneira oinsa para ita nia fasilidade sorin presta kuidadus kritikus ba iha ita nia komunidade, entermus de desponibilidade sira ninia esopes sira ne’e iha kalae, infrastutura rekursus umanus sira nia kapasidade atu presta ne’e oinsa, ho ida ne’e mak ita nia peskiza halo.
“Husi rezultadu peskiza, ita bolu jestores saúde sira hodi partilha fila-fali informasaun ida ne’e ba sira, ho objektivu sira bele hatene sira nia kondisaun ne’e oinsa no ba oin bele halo rekomendasaun para atu bele melhora diak liu sira nia kondisaun iha baze ne’eba”. nia apela.
Iha tinan hirak liu ba ita hasoru hela pandemia covid 19, husi pandemia ne’e rasik fo hela ezijensia ida ba iha autoridade saúde sira para atu bele preparadu diak liu tan ba iha kualker eventus emergensia saúde publika ne’ebé bele akontese.
Atu prepra a’an ba ida ne’e mak liu husi ita nia preparasaun prontidaun ba iha ita nia fasildade saúde atu hatene diak katak ita nia fasilidade saúde ne’e prontu kalae.
Peskiza ida ne’e hanesan parte ida para atu bele fo informasaun ba ita to ona iha ne’ebé ita nia prontidaun para bele hasoru ba oin kuandu iha situasaun emergensia.
Ida ne’e mak objektivu no saida mak ita halo ne’e para atu bele atinje atu lori ita para bele preparadu diak liu ba iha futuru ne’e.
Peskiza ne’e hahu husi fulan Setembru 2022 ba to iha Dezembru 2022 tinan kotuk. Tinan 2023 foka ba prosesu analiza data, no preparasaun ohin aprezentasaun rezultadu final ba iha jetores sira.
“Husi faktu ne’ebé mak ita deteta iha peskiza, ita sei halo nota informativu ho baze atu fo rekomendasaun ba iha ita nia desizores bazeia ba seda mak ita hetan iha terenu ne’e”. Hakotu.
2,565 total views, 3 views today
Bele hare Video Seluk :
Subscribe to Timorpost
