DILI (Timor Post)-Negosiante Ai-leba, José Maubuti, buka moris liuhusi faan ai-moruk tradisionál hodi bele sustenta nesidade moris loron-loron.
Tuir Maubuti, nia husi Munisípiu Bobonaru mai hela iha Dili, hodi buka nia moris liuhusi fila liman.
“Ha’u faan ai-moruk trandionál atu sustenta nesidade moris, tanba ne’e ha’u faan sasán sira hosi dadeer tuku 08:00, ha’u ho ai-leba tenke sai husi ha’u-nia hela fatin Taibesi hodi ba faan sasán sira ne’e to’o iha tuku 05:00 lokraik, hafoin fila fali ba uma,” nia hateten ba Media Online Timor Post, iha Mandarin, Domingu (17/07).
Nia dehan, ai-moruk Tradisionál ne’e nia faan, tanba bele kura moras husi 100, ho ida ne’e mak nia ho inisiativa hali Ida ne’e.
“Ai-moruk Tradisionál ne’e, ha’u pesan husi Munisípiu Aleiu, hafoin sira lori ba iha ha’u-nia rezidénsia Taibesi, hafoin mak ha’u faan fali,” nia konta.
Nia hatete, ai-moruk ne’e, nia pesan ho osan montante 100 USD, tanba ne’e nia faan fali tali ida ho 10 USD no ki’ik nia faan talin ida 2 to’o 5 USD.
“Ai-moruk ne’e, ha’u faan haleiu Kapitál Dili, maibé ema ladún hola, ba ema sira ne’ebé moras ne’e mak hola, maibé sira hola mak ida ki’ik ne’e, tanba ne’e loron ida ha’u hetan osan mak 10 sae ba to’o 15 USD”, nia dehan.
Alende ne’e nia dehan, nia la’ós faan de’it mak ai-moruk, maibé nia faan mós hanesan lis mean ho lis Mutin, maibé ai-moruk depende nia tempu hafoin nia bele faan.
Enkuantu, Negosiante José Maubuti ho idade 75, nia hahú faan sasán husi tinan 1977 to’o ohin loron.
1,840 total views, 3 views today
