Timor Post (31/08/2020)—Deputadu Bankada FRETILIN, Joaquim dos Santos, hatete, sorte Maromak fó netik mina-rai ba rai Timor, sé lae karik Timor atu sai sá loss tanba la dezemvolve rekursu iha rai maran.
“Hafoin libertar a patria no iha faze libertar povu sei iha problema barak mak populasaun Timor-Leste enfrenta, entre 2007 mai to iha 2019 nee ita kude’ik, ita la’o hanesan ema ain sorin at. Ita kude’ik iha polítiku, kude’ik iha formasaun edukasionál no kude’ik iha halo dezenvolvimentu. Sorte Maromak fó netik mina-rai nee ba Timor-Leste, mak lae karik Timor sai saida. No sorte mós iha primeiru governu estabelese fundu ida ho lei, hodi trava metin mal-gastu ba fundu petróleu, tanba nee mak agora Timor-Leste iha osan oi-tuan. No produsaun ba reseita non-petrolíferu iha rai laran menus tebes”, hateten deputadu Prezidente Komisaun A Parlamentu Nasionál relasiona ho komemorasaun tinan 21 loron Konsulta Popular, hateten Joaquim ba jornalista sira iha PN, kinta (27/08).
Deputadu ne’e hatutan tan, katak komesa husi tinan 2007 mai to iha 2015, Governu anterior gasta maizumenus 9 ate 10 biliaun hodi konsertu ba dezenvolvimentu, maibé la iha rezultadu.
Polítiku ne’e subliña harii nasaun ida armonia no felisidade, tenke hahú agora jerasaun foun sira atu labele kopia fali komportamentu polítiku sira ne’ebé lideransa sira iha tinan sanulu ba kotuk.
“Ha’u husu ba sosiedade tomak, liuliu juventude ida moris iha 1999 mai to agora nee, tenke kontinua fali knar ne’ebé jerasaun 75 sira husik mai. Tanba referendum ita halo iha 30 Agostu ne’e prosesu naruk, prosesu ida mai husi knar polítika jerasaun 75 sira nian, tanba kompromisu sira nian ida de’it, maka libertar a patria, labele kopia fali hahalok at sira ita nia maun sira halo iha tinan 10 nia laran” dehan Joaquim.(Jornalista Julio Salinas Soares)
586 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.