Dili (Timor Post) – Timor-Leste ohin (30/08), selebra Aniversáriu Konsulta Populár ba dala-23, ho tema “Paz no Estabilidade” hodi dezenvole rai doben ida ne’e.
Ministru Administrasaun Estatál no Prezidente Komisaun Organizadora, Minguel Perreira de Carvalo, hatete loron konsulta populár mak loron importante ida ne’ebé Timoroan hotu ba iha sentru votasaun hodi determina Timor-Leste nia Independénsia.
“Tanbá ne’e iha tinan ida ne’e ita-nia Selebrasaun loron Konsulta Populár ba dala-23 ho tema maka ho loron komemorasaun loron 30 Agostu nian katak mai ita hametin pas no estabiidade hodi dezenvole ita-nia Rai Timor-Leste”, nia hateten molok atu realiza misa agradesimentu ba loron Konsulta Populár, iha Igreja Katedrál, Villa-Verde, Segunda (29/08).
Portantu ho tema ida ne’e maka importante tebes iha momentu rai ida ne’e selebra loron 20 Maiu, depois restaurasaun Independénsia ba tinan 20.
Nune’e importante halo reflesaun sira kona-ba saida maka hot-hotu halo ona no tenke halo para kontinua dezenvolve rai ida ne’e.
“Ita prezisa pas no estabiidade hodi bele iha dezenvolvimentu, nune’e ita mós prezisa dezenvolvimentu hodi nune’e bele iha pas no estabiidade”, nia dehan.
Nia haktuir, selebrasaun ne’e, iha misa agradesimentu, no kontinua Marxa Saudável ne’e sei hahú iha rotunda Francisco Xavier do Amaral, tuku 7:00 dadersan de’it mai to’o Jardín 5 de Maiu, iha ne’ebá Prezidente Repúblika, José Manuel Ramos Horta sei hato’o nia mensajen ka liafuan badak.
“Tanba ne’e ha’u husu ba Populasaun iha rai laran liuliu sira iha Dili ne’e dadersan loron konsulta popular hakat ba hodi partisipa iha marxa saudável ne’e”, nia hakotu.
2,232 total views, 3 views today
Bele hare Video Seluk :
Subscribe to Timorpost
