DILI (timorpost.com)— Vise Primeiru Ministru e Ministru koordenadór Asuntu dezenvolvimentu Rural, Mariano Asanami Sabino informa iha fulan Dezembru sei hapara funsionáriu kazuais no kontratadu sira tanba kontratu remata , maibé la’ós atu hapara husi servisu.
“Sim, ne’e los dunik tuir karta sirkulár ne’ebé fó sai maibé, tuir ha’u hanoin kontratadu ne’e periodikamente nia tenke remata, mais la’ós dehan katak remata kontratadu ema la servisu ona, ema hotu-hotu sei remata nia kontratu iha Dezembru, depois Janeiru ne’e avalia fila-fali, depois bolu fila fali nia tenke assume servisu fali” dehan Asanami ba jornalista sira iha Igreja Bekora Sagrada Coração de Jesus, Segunda (27/11).
Governante ne’e esplika, kona ba partisipasaun kazuais sira iha kada Ministériu no servisu di’ak liu fali sira permanente ne’e, nia parte la hatene, tanba ne’e la’os nia kompeténsia, ida ne’e kompeténsia funsaun Públiku nian, tanba komisáriu funsaun públiku sira maka atu avalia ida ne’e.
“Modelu kazuais ne’e, parte ida husi ita sistema funsionáriu ne’ebé durante ne’e iha, maibé periódikamente tempu ida tenke determina, determina no depois maka avalia hodi bolu fila fali, ne’ebé ida ne’e kompeténsia kada ministériu sira para atu halo maibé prinsípiu mak ne’e tenke fó fatin ba Timor oan hotu tenke iha espasu para dedika servi nia rai no ba nia nasaun, ida ne’e mak importante no prinsipál,” nia hakotu.
3,752 total views, 3 views today
Bele hare Video Seluk :
Subscribe to Timorpost
