Dili (timorpost.com)—Falintil Forsa Defeza Timor-Leste (F-FDTL), liu husi komponente Naval ohin, Sesta (26/05/2023), hala’o abertura kursu fuzileiru ba kandidatu atus ida hitu (107).
Segundo Komandante Komponente Naval, kapitaun fragata Guido Guterres Silva, iha ámbitu diskursu hatete, formasaun ne’e aumenta kapasidade ba kandidatu 107 ne’ebé selesionadu ba forsa espesiál.
“Ha’u louva membru sira ne’ebé mak selesionadu hodi tuir treinamentu ba forsa espesiais. Treinamentu ne’e la fasil, husu ba membru na’in atus ida hitu (107), ne’ebé tuir formasaun tenke ho boa vontade, dixiplina, nafatin kumpre orden iha terenu”. haktuir segundu komandante komponente Naval ba Jornalista sira iha Hera, Sesta, (26/05/2023).
Nia haktuir, esforsu membru sira nian hanesan esforsu komandante nian no instituisaun F-FDTL nian.
“Espera membru na’in atus ida hitu ne’e sei susesu iha formasaun ne’e, tanba ne’e husu atu membru sira tenke esforsu an nafatin, mantein dixiplina, kumpre orden atu nune’e treinamentu ne’e bele remata ho susesu”.
Membru komponente Naval fuzileiru na’in atus ida hitu, ne’ebé tuir formasaun ne’e kompostu husi mane atus ida lima (105), no feto na’in rua (2).
Formasaun ne’e rasik sei hala’o durante fulan haat (4) nia laran.
528 total views, 6 views today
