DILI-servisu atendimentu iha pontu entrada Mota-ain sabraut liu, husu ba parte kompetente atu toma atensaun.
“Servisu atendementu fronteira Mota-ain sabraut liu, la hatene halo planu atu antisipa “pelonjakan angka” visitantes tama no sai, ohin loron (3/3) ema barak husi Timor tantu sidadaun timorense no mós estrangeiru barak atu sai ba Indonesia liu husi fronteira Mota-ain, halo ema antri iha sala kloot oan ne’e, piór liutan maka atendementu revista passaporte funsionáriu ida de’it mak halo”, lamentasaun ne’e espresa husi sidadaun Atta Suarez, liu husi ninia ID Face book, Atta Suarez, ne’ebé Timor Post asesu, Sabadu (04/03)
Nia dehan, iha loket haat (4), maibé númeru 1 mak funsiona, ne’e saida mak ne’e?, to’o meudia nia ba han tiha, halo ema barak sei hein demora hela iha li’ur, hein to’o tuku 2 lokraik mak foin komesa fali halo atendementu.
Nia husu ba oin parte kompetente tenke fó atensaun ba problema sira hanesan ne’e, fronteira mak ita nia nasaun nia imagem, atendementu ho modelu ida hanesan ne’e, halo ema estrangeiru hamnasa ita nia sistema, inkluindu konstrusaun ne’ebé habiit ema to’o is laiha.
Entretantu, to informasaun ne’e Timor Post publika, seidauk hetan konfirmasaun ho parte kompetente hanesan Servisu Imigrasaun, kona-ba sistema atendimentu refere.
1,153 total views, 3 views today
Bele hare Video Seluk :
Subscribe to Timorpost
