Imajen DRC Refleta diferensa Realidade Pasadu No Prezente Sidade Beijing

Timorpost.com (BEIJING) |Internasionál – Jornalista hosi nasaun 70 oras ne’e marka prezenta iha kampaun ba diplomata sira, Diplomatic Residence Compound (DRC) inklui mos Timor-Leste.

Timor-Leste ninia reprezentasaun hosi media Timor Post nu’udar partisipante dahuluk reprezenta nasaun joven ne’e iha programa interkambiu internasional ba imprensa komunikasaun Xina nian.

SCROLL FILA BA NOTISIA

Atividade tomak programa interkambiu imprensa internasional Xina nian ka China International Press communication Center CIPCC 2023 sentraliza iha kampaun DRC, lokaliza iha Estrada Xiushui street, iha distritu Chaoyang sidade Beijing Kapital Xina nian.

Loron dahuluk programa abertura, partisipante sira hetan aprezentasaun no istoria badak kona-ba ezisténsia kampaun DRC nian.

Lee Mós :

China calls for unity instead of 'new Cold War' at ASEAN Summit

Diplomatic Residence Compound (DRC) — Diplomatic Residence Compound Beijing, Xina.
Foto Augusto Sarmento

“Ha’u ho ami hotu iha ekipa nia laran, fó benvindu ba imi hotu mai Beijing, espesialmente DRC”, espresa Tian Lu, jestor ba Propriedade DRC ba partisipante sira iha iha salaun multifunsaun segundu andar edifísiu númeru 15.

Nia hakle’an, DRC ninia funsaun maka akomoda prestasaun servisu ba Beijng Diplomatic Service (BDS) inisiu konstrusaun hari’i iha tinan 1961.

“Ami servi liu ona embaixada 400, reprezentante ofisiál organizasaun internasionál sira, ajénsia notisia internasionál sira” Sita Tian Lu.

Iha DRC iha prestasaun servisu integradu kompostu hosi: enjineria konstrusaun, arrendamentu apartamentu, rekursu umanu, edukasaun cultural, komersializasaun nesesidade sira, restaurant, fornesimentu hahan catering, jestaun ba proriedqade etc.

Lee Mós :

Jornalista 80 Hetan Oportunidade Esplora Atualidade Iha Xina

Tian Lu esplika, kampaun ba diplomata sira lokaliza iha kedas klaran ka sentru sudade Beijing metro 600 ba central business District (CBD) no kilometru rua ba Tianmen Square.

Sidade Beijing iha Tinan 1974 — Sidade Beijing ninia situasaun iha tinan 1974

Tian Lu habadak aprezentasaun ho foto rua. Ida hasai iha tinan 1974 ne’ebé reflete realidade pasadu Beijing nian katak iha tinan 1974 sidade Beijing iha andar as tolu de’it, hosi dook bele heteke hetan foho sira ne’eb’e sei as liu uma hotu hotu iha sidade laran.

Lee Mós :

Problema Internal, Konselleiru KHUNTO Ko’alia Ba Media

Enkuantu iha mos fotografia recente refleta realidade atual iha tinan 2023, diferensa dook ho anterior.

Paisajen hosi Diplomatic Residence Compound ba sidade laran refleta sidade Beijing iha era atual.
Foto Augusto Sarmento

Ohin loron sidade Beijing kobre hosi uma andar rihun-resin no hateke hosi dook la haree hetan ona foho tanba sidade tomak kobre hosi edifisiu andar-boot sira.

Komplexu DRC kompstu hosi edifisiu boot 13 no inklui apartamentu 109, lokaliza iha Xiushui Street, Distritu Chaoyang, sidade Beijing, Kapitál Xina.