ADVERTISEMENT

Problema Internal, Konselleiru KHUNTO Ko’alia Ba Media

Augusto Sarmento - Jeral
  • Share

DILI-Partidu Kmanek Haburas Unidade Nasionál Timoroan (KHUNTO) hasoru hela situasaun moruk iha partidu, ho nune’e media sai hanesan alternativu ida hodi klarifika situasaun loloos ba públiku.

“Loraik di’ak ba maluk journalista sira hotu! Konsellu Lideransa Nasionál Partidu Kmanek Haburas Unidade Nacional Timor Oan (P. KHUNTO) hakarak konvida maluk journalista sira tomak, hodi halo kobertura ba Konferénsia Imprensa kona-ba “Situasaun atuál ne’ebé Oras ne’e dadaun Partidu Hasoru”,

ADVERTISEMENT
SCROLL FILA BA NOTISIA


“Ne’ebé sei realiza iha, Loron: Sexta-feira, 24 fulan-fevereiru 2023, Oras: 10:00 OTL to’o remata, Fatin: Rezidénsia Líder Supremu, Manleu-Ana, Dili Ba atensaun no kolaborasaun tomak, ami hato’o ami-nia agradese wa’in” sita sentidu hosi konvite ba jornalista sira kalan ne’e Kinta (23/02/2023).

Konvite refere Prepara husi: Regina S. Amaral Adjunta Sekretária-Jeral Koiñesementu husi, Eng. Nicolau Lino F. Belo Vise-Prezidente.

Estrutura Hanesan Boneka

 Ambiente negativu akontese duni iha internu partidu Kmanek Haburas Unidade Nasionál Timor Oan (KHUNTO), tanba buat hotu-hotu konsentra iha desizaun konselleiru másimu José Naimori Bucar.

 “Karta ne’e reflete situasaun iha partidu laran, Ha’u hanoin parte sira ne’ebé responsabilidade tenke fuan boot Halo ezame konxiénsia ba ita nia an, ita avalia ita nia an hadi’a buat ruma”, deklarasaun ne’e sita hosi Sekretáriu Jerál KHUNTO, Jose Agostinho da Silva ne’ebé Timor Post asesu horikalan, Tersa (21/02).

Lee Mós :
Konsikuénsia ‘Moruk’ ba Deputadu FRETILIN-PLP-KHUNTO ne’ebé Prosesa Pedidu Destituisaun PPN

“Ema balun pánik fali, bahasa dehan ada apa? Ha’u onestu ha’u la halo karta ne’e”, sita ministru ne’e  hodi haktuir katak karta kaleen ne’ebé espalla iha públiku hodi sita ninia naran, katak ne’e loloos tanba bainhira karta ne sai, ministru akompaña Primeiru Ministru halo vizita ofisial iha estranjeiru ho  nune’e laiha tempu atu publika buat ruma.

“Estrutura hosi nasionál too baze hanesan Boneka, maski iha inisiativa maibé buat hotu tenke hein orientasaun Koselleiru (Jose Naimori Bucar)” Lamenta sekretáriu jerál KHUNTO ne’e.

Nia mós preokupa, ninia kompeténsia hanesan  sekretáriu jerál hetan dezarmadu iha partidu laran, nomeia fali ema seluk assume fali kargu interina.

“Ami bele dehan miss komunikasaun, lakon komunikasaun tinan rua ka tolu ona” tenik sekretáriu jerál ne’e hodi konta katak internu partidu Fó fali kompeténsia ba ema seluk, em nome  asina  relatóriu subvensaun públiku, ate a data ministru sei kalma hela no seidauk responde.

Lee Mós :
Militante Husu Naimori Hasai Olinda Guterres Husi Partidu no Bankada Khunto

 Iha ámbitu dalan bá eleisaun parlamentár ne’e, teki-teki mosu novidade katak akontese daudaun konflitu iha internal Partidu Kmanek Haburas Unidade Nasionál Timoroan (KHUNTO) nia laran.

Mosu karta kaleen, em nome Sekretáriu Jerál Partidu KHUNTO atuál Ministru Transporte no Komunikasaun (MTK), José Agostinho da Silva, halo ‘karta aberta ida  hodi expressa no halo apelu bá kuadru, militante no simpatizante sira KHUNTO nian iha teritóriu tTimor-Leste kona-ba nia lamentasaun no insatisfasaun bá situasaun sira iha internal partidu KHUNTO nia laran.

“Durante ne’e ha’u nonook hodi akompaña, maibé tempu to’o ona ha’u atu deklara katak uainhira partidu KHUNTO hetan asentu iha parlamentu nasionál, partidu hetan subvensaun, maibé durante ne’e ha’u nu’udár Sekjer asina cheque  no asina relatóriu submete bá CNE, maibé ezekusaun bá osan ha’u laiha koiñesimentu,” sita karta aberta ne’ebé em Nome   José Agostinho da Silva nian ne’ebé Hatutan.com asesu, Segunda (13/2/2023).

 Naimori Dehan La Ativu

Iha sorin seluk, Konselleiru másimu no  lider supremu partidu KHUNTO, José dos Santos Bucar “Naimori” hatán katak, tuir loloos ezekusaun bá subvensaun partidu nian ne’e, sekretáriu jerál mak hatene liu serbisu ida ne’e. Maibé, tanba la ativu, nune’e ‘nia labele asina’.

Lee Mós :
Comissão E questiona capacidade dos novos trabalhadores da BTL

“Buat ne’e, tuir loloos, nia mak tenke halo servisu. Nia mak ema dehan pengerak partidu nian ne’e, sekretáriu jerál. Primeiru, tuir loloos, nia mak hatene liu, nia mak tenke ativu haree orsamentu ida ne’e. Nia la ativu ne’e, halo nusá mak assina. Segundu, kuandu nia hatene mak, nia lori assina. Sé nia lahatene, labele assina,” José dos Santos Bucar “Naimori”, hateten Naimori hanesan sita hosi Hatutan.com.

Konselleiru másimu bá partidu KHUNTO ne’e dehan, intermu partidu nia, ‘problema’ ida ne’e, seidauk sai bá liur ida. Ida ne’e sei uma-laran nian, partidu nian. Tanba ne’e, Naimori dehan, nia seidauk bele atu fó komentáriu bá ida ne’e.(ato/*)

 2,046 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Problema Internal, Konselleiru KHUNTO Ko’alia B…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No