ADVERTISEMENT

SEPS-UN Women Asina Parseira Promove Redusaun Risku Dezastre Sensivel ba Jéneru

Mario da Costa - Internasional
Reportajen : Estaziada Ermelinda Caet
Editor : Asisten Hermenegildo da Costa Tilman
  • Share
Sekretáriu Estadu Protesaun Sivíl no Autoridade Protesaun Sivíl, no UN Women asina parseria promove redusaun risku dezastre sensivel ba jeneru, Imajen TP/Ermelinda Caet.

DILI (timorpost.com) — Sekretáriu Estadu Protesaun Sivíl no Autoridade Protesaun Sivíl, no UN Women asina parseria ba tinan rua atu haforsa liután kolaborasaun ba avansa ajenda nasionál ba Feto, hodi promove redusaun risku dezastre sensivel ba jéneru no inkluzivu no hari reziliente iha Timor-Leste.

 “UN Women orgullu ho estabelesimentu Autoridade Protesaun Sivíl, ne’ebé serve nasaun ne’e ho mandatu boot husi promove partisipasaun feto, iha seguransa nasionál no asegura dame, no prevensaun konflitu no rezolusaun sensivel ba jéneru, to’o mitigasaun risku dezastre no responde ba krize no dezastre sira”, Presidente Autoridade Protesaun Sivíl, Ismael da Costa Babo hateten iha Edifísiu SEPS, Kaikoli, Sesta (30/09).

Nia haktuir, Governu Timor-Leste, ho suporta husi UN Women, agora dezenvolve hela PAN 1325 faze daruak, ne’ebé rekoñese feto nia lideransa no partisipasaun iha esforsu hotu ba kontinuasaun pas no seguransa hodi prevensaun konflitu no rezolusaun ba dezastre no responde ba umanitária.

“Kuandu iha dezastre, inan feto, alin feto no ema ho defisiénsia sira vulneravel tebes. Tenke eleva kapasitasaun ba sira no mós inklui sira nia partisipasaun iha foti desizaun, lideransa, mobilizasaun rekursu no asaun sira ba prevensaun konflitu komunitaria tanba sira nia partisipasaun importante atu promove pas no estabilidade,” nia dehan.

Lee Mós:
MJ-EUA Asina Arendamentu ba Fatin Diplomátiku Foun

Sekretáriu Estadu Protesaun Sivíl no Autoridade Protesaun Sivíl komprometedór atu haforsa protesaun no seguransa ba feto, labarik feto, labarik feto no grupu sira ne’ebé vulneravel liu iha Timor-Leste liuhusi nia servisu no parseiru dezenvolvimentu no sosiedade sivíl sira.

Iha fatin hanesan Xefe UN Women Timor-Leste, Amy Nishtha Satyam, iha diskursu katak ohin loron, mundu presiza tebes pas no pas presiza feto. Istorikamente, feto no labarik feto sira iha papél krítiku iha revolusaun, no sai hanesan sentru ba pas ida ne’ebé pozitivu no dezenvolvimentu sustentavel, no pas mak sentru ba rekuperasaun ekonomia no kresimentu nasionál.

Lee Mós:
CCI-TL ho UN Women Asina Akordu Ba Feto Emprezária Sira

“UN Women sei nafatin kontinua suporta governu atu tau atensaun ba feto no labarik feto sira nia papél ba mantein pas, no reziliente ba dezastre no krize sira liuhusi akordu ne’e”,

Entretantu, atividade ne’e rasik hetan suporta Jenerozu husi Governu Japaun, Governu Australia no Ajénsia Kooperasaun Dezenvolvimentu Internasionál Swedia, UN Women hodi suporta ona Governu Timor-Leste iha dezenvolvimentu no implementasaun PAN 1325 dezde 2015.

 913 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SEPS-UN Women Asina Parseira Promove Redusaun R…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: