DILI (timorpost.com) – Kompañia Visimitra hamutuk ho organizasaun Sisco diskute asuntu teknolojia modernu data center.
“Ami realiza semináriu ida ho parseiru Sisco hodi diskute asuntu kona-ba teknolojia modernu Securing Data Center Tacrtics To Delivery Value Faster iha area eletrónika nian hanesan internet,” Xefe Tékniku IT Kompañia, Visimitra Yusuf Faisal, hateten ba jornalista sira iha salaun Suai Room Timor Plaza, Tersa (04/07).
Tanba ne’e mak diskusaun ohin loron nian ne’e foka liu iha area teknolojia liga ba date internet iha instituisaun Estadu nian iha ministériu hotu-hotu iha area IT nian ne’ebé mak uza internet.
Portantu, diskusaun ohin loron ne’e oradór rua ida husi Sisco Jakarta Selatan Indonesia system manager Amin Setiawan no pah Yanto husi Indonesia ko’alia kona-ba vantajen no dezvantajen ba IT no Securing Data Center Tacrtics To Delivery Value Faster nian.
Entretantu, semináriu ne’e ho objetivu atu hasae kapasidade partisipante sira ne’ebé mai husi instituisaun Estadu reprezenta ministériu ida-idak partisipa iha diskusaun kona-ba data center ida ne’e.
Nia dehan, fiar katak semináriu ne’e bele eleva partisipante sira nia koñesimentu kle’an liután iha area teknolojia oinsá atu uza internet modernu Securing Data Center Tacrtics To Delivery Value Faster diak iha futuru.
Iha sorin seluk, enjeñaria husi organizasaun internasionál Sisco Amin Setiawan haktuir, semináriu ne’e diskute kona-ba Securing Data Center Tacrtics To Delivery Value Faster hodi hare sistema modernu teknolojia nian.
Nia dehan, programa ne’e realiza tanba sistema ne’e rasik ministériu ida-idak implementa hela ho servidór ne’ebé presiza security hodi implementa.
Tanba ne’e mak sira konvida reprezentante husi liña ministeriais ida-idak mai tuir semináriu ohin loron hodi rona direta oradór sira nia esplikasaun oinsá atu uza sistema.
1,284 total views, 3 views today
Bele hare Video Seluk :