DILI— Diretór Nasionál Overseas Employment, Filomeno Soares, informa iha traballadór timoroan hamutuk na’in 300 resin daudaun ne’e sai traballadór ilegal iha Korea.
Nia dehan, iha nasaun sanulu resin neen maka halo akordu employment permit system ho nasaun Korea, kuaze nasaun 16 ne’e, ninia ema balun sai traballadór ilegal iha Korea.
“Timoroan ilegal ne’e 300 ba leten, agora adidu traballadór ne’ebé servisu iha ne’ebá atu buka oinsá bele haree ida ne’e ,” nia dehan, iha ninia knar fatin, Bekora, sábadu (01/12).
Nia esplika, sai traballadór ilegal iha risku boot, tanba na’in trata saúde, bainhira mate na’in responsabiliza, nune’e governu Timor-Leste no Korea servisu hamutuk hodi hamenus númeru ilegal.
“Sei sai ilegal ne’e, tanba sei lakon hosi monitorizasaun hosi governu Korea, moras trata rasik, mate trata rasik,”
Tanba ne’e nia dehan, esforsu ne’ebé governu bele halo maka sei buka dalan oinsá atu deporta sira fila fali mai timor. “Deporta sira hodi labele tama tan iha Korea,” nia hakotu. (Ven)
1,081 total views, 3 views today
Bele hare Video Seluk :
Subscribe to Timorpost
