Pasiente Kankru Serviks Na’in Tolu Halo Tratamentu Iha HNVG

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post)– Ministériu Saúde (MS) liu husi Hospital Nasionál Guido Valadares (HNGV), hamutuk ho Organizasaun Mundiál Saúde (OMS) iha Timor-Leste (TL), lansa Unidade Kolposkopia atu halo tratamentu kankru serviks.

SCROLL FILA BA NOTISIA

Diretór Ezekutivu HNGV, Alito Soares, hatete, primeiru, lori MS nia naran no HNGV, hato’o agradesimentu ba OMS, ne’ebé ho kometimentu tomak hahú husi indísiu iha Timor, sempre apoiu iha area Klínika, liu-liu iha HNGV atu eleva tan atendementu liga liu ba kankru no inan feton sira ne’ebé mak hetan Kankru Serviks

“Durante períodu semana hirak nia laran, halo ona screening ba maluk lubuk balu, hamutuk na’in-27, husi númeru ne’e, na’in-6 mak halo Kolposkopia no na’in-3 hetan pozitivu Kankru Serviks, ho ida ne’e, sira halo tratamentu iha HNGV, espera katak, sei tratamentu kontinua,” nia hatete hafoin remata lansamentu ne’e, iha Sala OPD, HNGV, Kinta, (02/06).

Lee Mós :

Ministériu Saúde Presiza Koopera ho Rede ba Saúde TL

Nia dehan, Kolposkopia ne’e, atu bele halo detesaun sedu ba Kankru Serviks, iha mós atendementu ou tratamentu ba kankru ne’ebé mak faze sedu.

Unidade ida ne’e, importante tebes, la’ós de’it ba HNGV, maibé sei uza mós ba fasilidade saúde seluk iha Kapitál Dili ne’e, no bele kontinua defensór ba maluk médiku sira, no planu ba oin iha serbisu ne’e, kada semana mais ou menus loron rua. Nia informa

Lee Mós :

TDD Julga Kazu Baku Membru F-FDTL

“Alende ida ne’e mós, ita sei halo ba screening ba staff sira iha HNGV, nune’e mós ita iha planu atu estende liu tan ba instituisaun balu, liu-liu ba inan sira ne’ebé mak iha risku, no mós ba feto sira ne’ebé mak tuir nia idade ne’ebé mak presiza halo detesaun liu unidade Kolposkopia ninian,” nia dehan.

Ida ne’e, hanesan faze primeiru ne’ebé mak ita iha, no ba oin ita presiza tulun, nune’e agora daudauk mós OMS presiza tebes ho MS, atu bele kontinua ba ita nia médiku sira, liu-liu ba kankru sira ne’ebé mak mais avansadu, no oinsá atu intervensaun ba sirúrjiku ida ba iha ne’ebá.

Lee Mós :

Maiu Sei Halo Lansamentu ba Ró Patrollamentu Rua Apoiu Hosi Australia

“Agora ita Hospital Timor, ita halo ona atendementu ba sirúrjiku maibé ho frazeadu ne’ebé mak sedu, nune’e ba frazeadu ne’ebé mak avansadu liu, presiza iha médiku espesiál ne’ebe mak iha suporta ba ida ne’e,” nia relata. (Lee Notísia Seluk Iha Jornál Timor Post/ Asesu You Tube Timor Post)

1,198 total views, 3 views today

Oinsa Ita nia Reaksaun iha Notisia Nee?