DILI (timorpost.com) – Relasion ho ELetrisidade iha fatin turizmu relijiozu Santo João Paulo (JP) II, Tasi-Tolu, soke labarik ida mate fatin, to’o agora Governu liuhusi Autoridade Munisípiu Dili (AMD), seidauk ba halo Manutemsaun.
Tuir Seguransa iha fatin turizmu relijiozu Santo João Paulo II, Tasi-Tolu, Luis Soares, haktuir eLetrisidade iha ne’e mate, dezde soke labarik mate liu loron rua to’o agora.
“Momentu ELetrisidade soke labarik no rezultu lakon vida, maibé laiha Govenru ida mak mai haree no seidauk mai halo manutensaun ba eletrisidade, tanba ELetrisidade mate semana ida resin ona,” dehan Luis ba Media online Timor Post iha turizmu relijiozu Santo João Paulo II, Tasi-Tolu, Sábadu (07/0).
Nia dehan, nia parte la haree eletrisidade soke labarik ne’e, tanba momentu ne’e iha nia kolega mak halo seguransa, sira troka malu halo seguransa iha turizmu relijiozu Santo João Paulo II, Tasi-Tolu.
“Ha’u ladún hatene, eletrisidade mate, tanba soke labarik ne’e ka, sira halo desliga eletrisidade, ida ne’e mak ha’u ladún hatene,” nia hateten.
Maibe, tuir nia hatene iha fiu ida mak mosu tiha husi ai-rin, maibé semana liu ona eletrisidade mate hela.
“Semana ida resin ona, maibé EDTL, seidauk mai haree, tanba ne’e ita husu Governu sira atu halo Manutemsaun lalais,” nia dehan.
Alende ne’e nia dehan, bainhira eletrisidade iha difikuldade ka iha problema, Governu liuhusi Autoridade Munisípiu Dili, mak sei halo Manutemsaun.
“Eletrisidade soke labarik, ita seidauk hatene loos, tanba tuir ami hatene dala-barak ema kaer lampu ne’e, maibé la rezulta soke ema,” nia dehan.
Enkuantu tuir Observasaun Media online Timor Post iha terrenu, lampu ne’ebé soke labarik ne’e kondisaun di’ak no eletrisidade iha turizmu relijiozu Santo João Paulo II, Tasi-Tolu, mate duni.
1,161 total views, 6 views today
