DILI (Timor Post)-Parlamentu Nasionál (PN), deside sei prienxe Lista sentidu Kondolénsias ba Eis Primeiru Ministru Japaun, Matebian Shinzo Abe nian ba Embaixada Japaun iha Timor-Leste.
“Hanesan membru Parlamentár, no tékniku sira presiza buka tan Informasaun, kona-ba envolvimentu Eis Primeiru Ministru, Matebian Shinzo Abe, iha nasaun Japaun, durante iha prosesu Independénsia Timor-Leste”, hateten Prezidente Parlamentu Nasionál, Aniceto Guterres, hafoin reuniaun Plenária Parlamentu Nasionál, Tersa (12/07).
Nia dehan, Matebian Shinzo Abe, ne’ebé hetan tiru iha Japaun, Pelumenus buka informasaun kona-ba nia solidariedade mai iha Timor, atu Parlamentu bele prienxe Lista sentidu kondolénsias iha embaixada Japaun iha Timor-Leste.
Alende ne’e Deputadu Bankada Frente Revolusionáriu Timor-Leste Independénsia (FRETILIN), José Agostinho Sequeira “Somotxo” hatete, iha tinan 1996 sira simu asaun solidariedade husi Japaun direta, ne’ebé simu husi Eroi Nino Konis Santana, maibé la hatene iha envolvimentu saida.
“Durante ne’e ha’u hanoin Japaun direta simu kondekorasaun, ne’ebé atu iha votu de pezar, servisu sira ne’ebé saudozu ne’e halo, ha’u-nia parte ho sentidu relembransa de’it katak durante ami simu dokumentu husi Japaun Direta, Kona-ba asaun solidariedade ba prosesu Indepedénsia Timor Leste nian”, nia hateten.
Iha parte seluk Deputadu Bankada Partidu Demokrátiku (PD), Antonio da Conceição “Kalohan”, hatete ligasaun ba votu pezar ida ne’e, Kona-ba informasaun iha embaixada Japaun, loke hela livru kondolénsias, tanba ne’e ba prienxe hodi fó sentidu kondolénsias ba Shinzo Abe, liuhusi embaixada Japaun.
“Ha’u hanoin grupu amizade Parlamentu ba nasaun Japaun nian, informadu hala’o hela prosesu ida ne’e, no ha’u hanoin PN seidauk ba presiza halo kontaktu atu nune’e meza Parlamentu mós ba prienxe livru sentidu kondolénsias ba Matebian Eis Primeiru Ministru Shinzo Abe iha Japaun”, nia hateten.
Portantu, rezultadu votu pezar ba rezolusaun númeru 15, kona-ba Matebian Shinzo Abe, ho votu Afavór 59, kontra Zero, no Abstensaun Zero. Ho Nune’e votu pezar ba Eis Primeiru Ministru Japaun Aprovadu.
1,202 total views, 3 views today
Bele hare Video Seluk :