ADVERTISEMENT

Reuniaun Bilateral Roteiro Tama ASEAN

Mario da Costa - Internasional · Jeral
Jornalista : Mario da Costa/Gilberto/Jaime
Editor : Mateus da Cruz/Marcos Fernandes
  • Share
Primeiru Ministru, Taur Matan Ruak, hasoru malu ho Prezidente Repúblika Indonézia, Koko Widodo. Foto Esp.

DILI (timorpost.com)—Primeiru Ministru, Taur Matan Ruak, Tersa (09/05/2023) arranka ba Indonézia hodi partisipa konferénsia nivel altu organizasaun sudeste aziátiku hanaran ASEAN (Association of Southeast Asian Nations) 2023.

Taur semo ho aviaun Aero Dili, to’o iha Labuan Bajo, Nusa Tenggara Timur (NTT), hasoru malu kedas ho Prezidente Repúblika Indonézia (RI), Joko Widodo (Jokowi) hodi reuniaun bilateral.

ADVERTISEMENT
SCROLL FILA BA NOTISIA


Fó sai iha cnbcindonesia.com, Ministra Negósiu Estranjeiru RI, Retno Marsudi hatete, relativamente adezaun Timor Leste sai membru ASEAN bele akontese iha konferénsia nivel altu 2023, iha ne’ebé Indonézia maka sai hanesan prezidente ba organizasaun sudeste aziátiku ne’e.

“Prezidente (Jokowi) dehan dezde Indonézia mak hanesan prezidente roadmap (roteiro) ba Timor Leste sai membru sei hetan konkordánsia no fiar katak Timor Leste kumpre kritériu ne’ebé iha roteiru bele adota hodi nune’e sai membru ativu ASEAN,” Retno subliña iha konferénsia imprensa, Tersa (09/05/2023).

Reuniaun bilateral ne’e, Jokowi mós hakarak kontinua dudu kooperasaun ekonomia entre Indonézia ho Timor Leste espesialmente iha parte fronteira. Governante na’in rua mós konkorda hala’o join working group para dezenvolvimentu zona ekonomia iha fronteira rai rua ne’e nian.

Lee Mós :
Distribuição da Cesta Básica para reclamantes arranca na próxima semana

Konferénsia nivel altu ASEAN 2023 sei realiza iha loron 9 to’o 11/05/2023, iha Labuan Bajo, Nusa Tenggara Timur (NTT), Indonézia.

Konferénsia nivel altu ASEAN ba tinan ida ne’e hala’o ba-dala-42 iha fulan Maiu no ba-dala-43 iha fulan Setembru. No Indonézia maka sai hanesan uma na’in.

Tema ba konferénsia nivel altu ASEAN 2023 maka “Epicentrum of Growth”. Katak, foku ba kresimentu ekonomia mundu iha pontu ne’ebé bele fó resposta ba dezafiu sira hotu.

Xefe Governu hetan konvite ofisiál hosi Prezidénsia ASEAN, Indonézia, hodi reprezenta Estadu no Governu Timor-Leste iha Simeira ASEAN nian ba dahuluk nu’udar membru Paízes ba dala 11 ho estatutu observadór.

Hafoin hetan admisaun ho unanimidade hosi Paízes membru 10 ASEAN iha fulan Novembru tinan 2022, liuhosi Simeira ba dala-42 iha Phnom Penh, ne’ebé Prezidénsia hosi Reinu Kamboja.

Lee Mós :
PAM Aileu Akomoda Aileba Ninia Susar

Iha marjen Simeira ASEAN nian ne’e, Xefe Governu mós sei hola oportunidade hodi hala’o enkontru ho Xefe Estadu no Xefe Governu hosi Paízes membru ASEAN nian, hodi buka hametin relasaun no kooperasaun tantu bilateral no multilateral iha Rejiaun ASEAN nian.

Simeria ASEAN ne’e hala’o hosi loron 09 to’o 11 fulan-Maiu tinan 2023, ne’ebé sei lidera hosi Indonézia. Simeira ASEAN bá dala-42 ne’e sei partisipa hosi lider na’in-ualu (8) inklui Sekretáriu Jerál ASEAN nian.

Entretantu Xefe Governu ho delegasaun sei to’o fali rai-laran iha loron 11 fulan-Maiu, tinan 2023.

Delegasaun sira hosi nasaun sira ne’ebé partisipa iha Simeira ASEAN bá dala-42 ne’e, mak hanesan delegasaun hosi Indonézia (uma na’in), delegasaun hosi Kambódia, Laos, Malázia, Brunei Darussalam, Singapura, Filipina no Vietnam

Entretantu Koordenadór Jerál Ekipa Susesu Partidu Libertasaun Populár (PLP), António Freitas, hatete Prezidente partidu hanesan atuál Primeiru Ministru (PM), Taur Matan Ruak, arranka ona ba Indonézia hodi partisipa iha Simeira ASEAN ba da-42 ne’ebé realiza iha loron 09 to’o loron 11 fulan-Maiu 2023 ne’ebé lidera hosi Indonézia.

Lee Mós :
MS ho UE Inaugura Fatin Seguru iha Atabae

“Hakarak informa ba povu tomak katak, Prezidente PLP, Taur Matan Ruak, atuál hanesan Primeiru Ministru arranka ba iha Labuan Bajo Indonézia, hodi partisipa iha Simeira ASEAN ba da-42 ne’ebé realiza iha loron 09 to’o loron 11 fulan-Maiu 2023 ne’ebé lidera hosi Indonézia, ida ne’e marka istória foun ida ba Timor-Leste”, nia hateten liuhosi konferénsia imprensa ne’ebé realiza iha sede kampaña, Vila Verde, Tersa (09/05).

Nia aumenta, enkontru refere marka istória foun ba Timor-Leste tanba foin dahuluk ulun boot hosi Timor-Leste partisipa iha enkontru simeira ASEAN nian nu’udar órgaun no estrutura altu nivel entre xefe estadu no governu hosi país sira ne’ebé sai hanesan membru ba Asian.

 2,270 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Reuniaun Bilateral Roteiro Tama ASEAN” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No