ADVERTISEMENT

NU,NTT- Prezidente Horta Ko’alia Asuntu Pás no Estabilidade

Mario da Costa - Internasional
Jornalista : Mariano Abi
Editor : Mário da Costa
  • Share
Ekipa NU,NTT foto hamutuk ho Prezidente Repúblika, José Manuel Ramos Horta, Imajen Esp.

Dili (Timor Post) – Nahdlatul Ulama (NU), Nusa Tenggara Timur (NTT), liu husi Diretór Teritoriál NU,NTT, Ibrahim Arif, ho ekipa no akompaña husi Vise Prezidente Konsellu Nasionál Islamika Timor-Leste (KNITL), Abdullah Inasio António Soares, Kuarta (17/08), halo vizita no diskusaun kle’an ho Prezidente Repúblika (PR), José Manuel Ramos Horta, kona-ba servisu hamutuk atu kontribui ba pas no estabilidade entre nasaun rua.

Diretór Teritorial NU,NTT, Ibrahim Arif, hatete onra tebes bele hasoru malu ho Prezidente Repúblika Timor-Leste, José Ramos Horta.

ADVERTISEMENT
SCROLL FILA BA NOTISIA


“Objetivu husi vizita ida ne’e, atu hakle’an diskusaun sira ne’ebé iha liga ho servisu hamutuk ne’ebé NU sei halo atu kontribui ba pas no estabilidade entre nasaun rua. Iha ajenda lubuk ida ne’ebé ohin ami nia parte NU aprezenta ba Xefe Estadu, hodi halo mós esplikasaun kle’an kona-ba objetivu prinsipal iha soru-mutu ne’e maka, NU hakarak hahú haree kondisaun balun atu bele estabelese mós NU nia ramu iha Timor-Leste,” nia hateten hafoin remata enkontru ou vizita, iha Palásiu Prezidenziál Bairru-Pité.

Nia hatutan, oras ne’e organizasaun Muslumanu NU nia ramu iha ona nasaun 74, no hein katak, Timor-Leste sei sai nasaun 75 ne’ebé NU estabelese nia ramu ba.

Lee Mós :
POLRI Kaptura Timoroan Na’in-113 iha Atambua

NU nia misaun importante ne’ebé oras ne’e halo mak oinsá tau importánsia ba Direitu Umanu no kombate tráfiku umanu, inklui negósiu Ilegál sira ne’ebé lori risku ba sosiedade.

NU nia servisu tomak, foka liu ba Direitu Humanu, Toleransia, Igualidade tuir konseitu Prezidente Repúblika, José Ramos Horta nia ba promove Fraternidade Umana.

Husi enkontru ne’e, Prezidente Repúblika fó apresiasaun ba NU nia servisu sira no ida ne’e sei sai hanesan motivasaun ida, atu NU nafatin halo follow-up ba servisu hotu ne’ebé iha liga ho Toleransia, Direitu umanu no igualidade.

“Ema hotu sei servisu hamutuk atu promove buat di’ak sira, hodi garante moris hakmatek iha sosiedade liuliu Timor-Leste no Indonézia, atu bele tau iha implementasaun prátika di’ak iha fronteira hodi garante pas no estabilidade,” nia relata.

NU nu’udar organizasaun relijiozu muslumanu, iha konseitu ideial ho umanidade, tanba ne’e NU sei sai hanesan Organizasaun Islamiku ne’ebé sei fó apoiu tomak ba esforsu rekonsiliasaun ne’ebé Prezidente Repúblika, José Ramos Horta halo dadaun ho Timoroan sira iha NTT.

Lee Mós :
Sidadaun Timor Labele Ba Kupang, Governu NTT buka Alternativa

Esensia umanidade ne’ebé sai hanesan isue internasionál no nasionál, NU sei halo esforsu hotu atu halo estudu hodi hakle’an ba sosiedade hotu.

Iha biban hanesan, Vise Prezidente KNSTL, Abdullah Inasio António Soares, hatete, KNSTL hanesan instituisaun ida ne’ebé toma responsabilidade másimu ba Musulhumanu iha Timor-Leste.

Ohin Vise Prezidente KNSTL, mak akompaña bainaka NU,NTT ne’ebé hanesan Check and Balance ba programa vizita, Prezidente Repúblika Demokrátika Timor-Leste ba Indonézia, atu promove Fraternidade Umana mak sai hanesan ezemplar ba mundu tomak, no liuliu ba país viziñu Indonézia.

“Hanesan ohin ita-nia maluk balu husi NU, sira aprezenta sira-nia programa, no ita ou ami hanesan uma na’in, ami mós aprezenta ita-nia Estadu ou Governu Konstitusionál, ida ne’ebé presiza ita respeitu, sera que ita-nia Timor no Musulhumanu presiza ita respeitu no toleransia moris iha nasaun ida ne’ebé iha unidade,” nia afirma.

Nia akresenta tan, komesa horisehik NU ba vizita iha fatin KNITL, nune’e husi KNITL aprezenta Timor-Leste nia Lei Konstitusionál, nu’udar país ne’ebé independénsia, husu ba NU presiza respeitu, no Relasaun Bilateral entre hotu-hotu hala’o hanesan Timor hotu de’it.

Lee Mós :
Husik Kargu Primeiru Ministru, Alkatiri Konsentra ba Pás no Estabilidade

Alende ne’e Vise Prezidente KNITL, haktuir kona-ba NU nia ramu sei estabelese iha Timor-Leste, “kona-ba atu loke sira ramu iha Timor-Leste, ne’e seidauk, ida ne’e sei prosesu naruk no la fasil, tanba ne’e ita presiza tenke prienxe rekizitu ne’ebé presiza halo tribeka tanba entre país ida ho país seluk ne’e, iha ninia sistema, nia Lei ne’ebé diferente, tanba ne’e presiza ita respeitu”.

Nia realsa, agora ne’e faze primeiru, NU tama iha faze ida naran konsolidasaun, nune’e sira-nia programa ohin hato’o ona ba Prezidente, maibé ida ne’e presiza haan tempu naruk, presiza liuhusi legalidade, hanesan horisehik vise Prezidente KNITL hatete ba sira katak, “Ita atu kompaña lokál ne’e, ita presiza prienxe rekezitu lubuk boot ida ne’ebé atu bele hetan lisensa husi Estadu,” nia hakotu.

 3,806 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “NU,NTT- Prezidente Horta Ko’alia Asuntu P…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No