Semana ne’e povu Oekusi liu-liu iha area fronteira segmentu naun rezolvidu “Naktuka” sai manas iha nivel nasionál, inklui haburas lia falsu hosi rede sosial hodi kauza sidadaun ida idak interpreta tuir ida idak ninia sentidu rasik.
Antesedente, Primeiru Ministru Timor-Leste Xanana Gusmão nian halo vizita ba Indonezia hodi halo reuniaun bilateral ho Prezidente Indonézia Joko Widodo, laiha finalidade kona-ba fronteira tresetre tanba kestaun interese povu iha Naktuka, situasaun ne’e hanesan hatama Fretilin iha Balde laran.
Tanbasa Balde Laran, kestaun lubuk la loos hosi deklarasaun Sekretariu Jeral Partidu Fretilin, Mari Alkatiri iha ninia deklarasaun hosi Facebook, triste hodi dehan Xanana integra ka fan rai naktuka.
Situasaun ne’e, halo media sosial no media partidu hatudu Partidu Nasioalista la hatuur misaun sagaradu partidu nian hodi defende soberania, pelukontrariu halo fali azitasaun hodi hafraku misaun governu ninian no grave liu maka promove informasaun la loos.
Komprova katak Fretilin lansa atake ba Figura Xefe governu ho lia fuan mamuk hodi duun “Xanana Fan Naktuka” nune’e deskredibiliza kualidade figura Xanana nian hodi lidera prosesu diskusaun no ba fronteira tasi no rai maran.
Simplezmente, Dezde 2005 Naktuka sei sai hela area disputa entre nasaun Timor-Leste ho Indonézia ba markasaun fronteira definitivu.
Komportamentu públiku diferente, bainhira Xanana sei iha Jakarta, derepente media partidu nian RTM sai viral ho notisia kestiona estaka lubuk mota iha Naktuka, maibe Governu liu hosi reuniaun ho populasaun sira klarifika katak estaka sira ne’ebé monta, laos linha final definitivu mabe sai pontus koordenada hodi deteta staelite.
Liu hosi dialogu, Xanana esplika detalla, maibe populasaun sira konsumu ona informsaun antes, ita tauk maka keta fase populasaun ninia kokutak hodi sobu pontu koordenda, maka populasaun bele lakon sira ninia propriedade hosi markasaun satelite.
Se maka defende povu no la defende povu, bele nota rasik, governu dehan pontu koordenada enkuantu azitasaun opozisaun dehan estaka baliza, afirmasaun rua hosi ema sira iha nivel nasional ba iha baze bele tempera hodi halo prosesu sai defisil hosi parte Timor-Leste nianno prosesu no halo beik tan populasaun afetada.
3,300 total views, 3 views today
Bele hare Video Seluk :
Subscribe to Timorpost
