ADVERTISEMENT

Oradór ba Pás no Prosperidade

Mario da Costa - Internasional · Jeral · Polítika
Jornalista : Cesário Sousa
Editor : Jose Caet
  • Share
Prezidente Repúblika Demokrátiku Timor-Leste, José Ramos Horta. Imajen Esp.

DILI (timorpost.com)—Prezidente Repúblika Demokrátiku Timor-Leste, José Ramos Horta, hetan konvite atu sai oradór prinsipál ba tema ‘pás no prosperidade’, iha Forum Jeju, ne’ebé hala’o iha Korea do Súl.

Xefe Estadu ninia ajenda atu hala’o vizita ba Korea do Súl, hahú sai hosi Timor-Leste iha loron 30 fulan Maiu to’o 3 fulan Juñu iha tinan 2023.

ADVERTISEMENT
SCROLL FILA BA NOTISIA


“Objetivu husi vizita ne`e, atu partisipa iha Forum Jeju, nune’e mós atu sai oradór prinsipál ba tema ‘pás no prosperidade,” Timor Post sita Komunikadu Imprensa iha, Tersa (30/05).

Durante vizita kortezia ba Repúblika Korea do Súl, Prezidente Repúblika aproveita oportunidade atu hala’o soru-mutuk ho ninia omólogu Prezidente Korea do Súl, Yoon Suk Yeol.

Lee Mós :
Prezidente Repúblika Promulga Ona OJE 2023

Xefe Estadu mós sei hala’o enkontru ho Instituisaun Públiku no Privadu iha Korea dos Súl, hodi husu tulun, atu hari Eskola Téknika Vokasionál ba joven timoroan sira.

Iha vizita kortezia ne’e hetan akompaña husi delegasaun Ajénsia Nasionál Petróleu no Mineral (ANPM), atu esplora tan esperiénsia no oportunidade kona-ba investimentu iha projetu armajenamentu no kaptura karbonu iha instalasaun husi kampu petrolíferu iha Bayu Undang.

Vizita ne’e mós ho objetivu ida atu hametin lasu amizade entre nasaun Timor-Leste ho Korea do Súl, nune’e mós atu identifika setór produtivu balun, ne’ebé ligadu ho kooperasaun ekonómika iha futuru.

Lee Mós :
Não admissão de estudantes com melhor classificação é responsabilidade do MESCC

Depois remata vizita iha Korea do Súl, iha 4 fulan Juñu, Prezidente Repúblika kontinua vizita ba nasaun Singapura, atu partisipa iha Simeira ASIAN nian kona-ba seguransa ba dala 20. Tanba PR hato’o diskursu iha sesaun plenária daneen ba Diálogu Sangri-La kona-ba parseria ba seguransa iha Asia Pasífiku.

Durante hala’o vizita iha Singapura, Prezidente Repúblika, sei hala’o enkontru ho Ministru Defeza Singapura, Eng Hen, no sei partisipa mós iha Jantár Ofisial, oferesidu husi Prezidente Repúblika Singapura,  Halimah Jacob.

PR mós sei hola parte iha jantár ofisial ne`ebé oferese husi Governador Provínsia Jeju nian. Vizita Estadu ne’e, PR sei vizita Kuartél Jeral SK E&S no SK Forest, kompañia rua ne’ebé investe iha Timor-Leste.

Lee Mós :
PR Horta: Timoroan Tenke Simu Malu

Hahú husi fulan Maiu, tinan 2022, PR hala`o ona vizita Estadu ba Estadu Indonézia, Austrália, Portugal, Reinu Kamboja, Singapura, nune’e mós vizita servisu ba Brazil, Qatar no Azerbaijan.

Xefe Estadu ho delegasaun sei sai husi Timor-Leste iha loron 30 fulan Maiu, ho distinu ba Korreia do Súl, no sei sai husi Seul ba Singapura iha loron 3 fulan Juñu no to`o hikas fali iha Timor-Leste iha loron 5 fulan Juñu.

 2,472 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Oradór ba Pás no Prosperidade” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No