ADVERTISEMENT

Portugál-Timor Leste Servisu Hamutuk Kria Kondisaun ba Timoroan Sira

Mario da Costa - Internasional
Jornalista : Mariano Abi
Editor : Mário da Costa
  • Share
Prezidente Repúblika, José Ramos Horta hakuak malu ho Prezidente Portugal, Marcelo Rebelo de Sousa, Imajen Esp.

Dili (timorpost.com) — Prezidente Repúblika (PR), José Ramos Horta, Segunda (31/10), hasoru malu ho nia homólogu husi Portugál, Marcelo Rebelo de Sousa, iha Palásiu Belem, hodi diskute kooperasaun entre nasaun rua no situasaun Timoroan sira iha Lisboa.

Xefe Estadu na’in-rua promete atu kria kondisaun bá Timoroan sira ne’ebé foin to’o iha Portugál no kombate ilegalidade, estrutura ilísita, explorasaun, tráfiku, maun-de-obra. Prosesu oin-oin mak tama ona iha Ministériu Públiku no mós iha ona inspesaun laborál iha empreza sira, kontratasaun no kondisaun servisu no saláriu.

ADVERTISEMENT
SCROLL FILA BA NOTISIA


“Ita iha medida konjunta, autoridade husi nasaun rua, dezde fenómenu ne’e aumenta husi Agostu, Setembru. Iha atuasaun iha nível oin-oin. Ita iha akordu no buat ne’ebé intolerável mak saida mak akontese no saida mak atu mai, iha Lei. Nune’e tenke fiskaliza, objetu intervensaun, la’os de’it administrativa, maibé foti justisa”, hateten Prezidente Portugál Marcelo Rebelo de Sousa.

Lee Mós :
Traballadór Na’in-65 Aranka ba Korea Súl, Inan Faluk Hameno Lia Murak ho Matabeen ba Nia Oan

Tuir Marcelo Rebelo, lokaliza ona Timoroan na’in-873, ne’ebé moris mukit loos no daudaun ne’e sira hela iha instituisaun akollamentu, autarkia lokál no instituisaun soliedaridade sosiál.

Prezidente Repúblika, José Ramos Horta, afirma nasaun determinadu hodi identifika no kastigu grupu ne’ebé bosok joven sira hodi ba serbisu iha Portugál no nasaun seluk.

“Fenómenu ida ne’e komún liu iha mundu, liuliu iha nasaun sira ne’ebé iha vias ba dezenvolvimentu, dékada barak ona, Timor-Leste hanesan estadu livre no demokrátiku, laiha problema ho ema tama-sai ba Timoroan no ema seluk. Fasil liu ba ema atu faan hanoin iluzaun hodi serbisu iha Portugál, Alemaña, Canadá ne’ebé iha moris di’ak,” Xefe Estadu subliña.

Lee Mós :
COVID-19: Embaixada Timor Leste iha Jakarta Distribui Formuláriu kona-ba Subsídiu Modesto ba Estudante Timoroan iha Territóriu Indonézia

Ramos Horta mós destaka joven sira ne’ebé servisu iha Korea do súl no Austrália ne’ebé hetan Saláriu di’ak.

“Ita iha programa ba joven sira atu ba Koreia do Súl ho joven rihun rua resin, vantajen ida sei kontinua, ida ne’e hanesan prosesu aprendizajen kona-ba ba profiissaun foun, habitu no disiplina, sira ne’e mak embaixadór boa vontade,” PR Horta akresenta.

Hanesan mós ba Austrália iha programa sazionál ne’ebé hahú tiha ona tinan lima, tinan neen, ne’e programa modestu liu, Austrália la iha esperiénsia ba situasaun nune’e, ba Timor oan sira no programa ida ne’e mós la’ós fasil, agora la’o di’ak ona ho mekanizmu estadu.

“Mai iha Portugál ne’e situasaun oin seluk, tanba kumpre prosesu burokrátiku husi Timor no nasaun ne’ebé simu joven sira,” Xefe Estadu dehan.

Lee Mós :
AUSMAT Na’in-8 to’o ona Dili

Tuir Xefe Estadu, obrigasaun husi Timor-Leste mak identifika no kastigu tuir lei, grupu ne’ebé bosok Timoroan sira, kobra joven sira to’o dólar rihun 3 to’o rihun 5.

Antes hala’o enkontru Bilaterál entre Xefe Estadu rua, PR Horta akompaña husi ekipa hala’o uluk vizita presta omenajen no tau aifunan ba Tumblo Camoes, aumezmu tempu asina mós livru de onra iha Praça do Império Belem-Portugal.

Hafoin ida ne’e, PR Horta akompaña husi Guarda Nasionál Republicano (GNR) sai hosi edifisiu Praça do Império ba Palácio Prezidensial, Presidente Republika simu ho onra Militares ho Cavalaria do GNR, hodi akompaña viazen ba Palasiu de Belem.

 5,099 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Portugál-Timor Leste Servisu Hamutuk Kria Kondi…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

x
Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No