Dili(timorpost.com)—Timoroan hirak ne’ebé envolve iha futuru jornalista prepara no organiza hosi Consultório da Língua para Jornalistas (CLJ), parseria ho Camões I.P no Centro de Formação Técnica em Comunicação (CEFTEC), iha loron 14 fulan Juñu tinan 2023, hala’o atividade vizita guiada ba Parlamentu Nasionál.
Ekipa futuru jornalista ne’e hamutuk na’in-18 ne’ebé halo ona estájiu iha redasaun média komunikasaun sira hanesan GMN, Timor Post, Tatoli no Diligente.
Durante vizita guiada ne’ebé simu no akompaña direta husi Xefe Relasaun Públika no Komunikasaun, Agus dos Santos, Xefe Divizaun Arkivu no Espediente, Paulo da Costa Nunes no tékniku husi Divizaun Sentru Formasaun, Armando Machado, ne’e esplika no introdús ba futuru jornalista sira kona-ba istória no funsionamentu Parlamentu Nasionál hanesan órgaun soberania daruak iha Timor-Leste.
Iha oportunidade ne’e ekipa sira mós observa direta sala plenária, sala komisaun espesializada sira inklui gabinete sira hodi hatene knaar no servisu sira kona-ba kompeténsia órgaun sira iha Parlamentu Nasionál.
Notísia ne’e Timor Post asesu liuhosi pájina Média PN, nian Kinta (15/06/2023).
1,278 total views, 3 views today
Bele hare Video Seluk :
Subscribe to Timorpost
