Timor Post (19/08/2020)- Ministra Saúde (MS) Odete Belo hatete, pasiente ida ne’ebé pozitivu Covid-19 rekupera ona no parte saúde sei haruka fila ba nia fatin.
“Pasiente sidadaun indonézia nia pozitivu covid-19 ne’e mós nia kondisaun rekupera ona orasida bele fila ba nia fatin”, Governante informa ba jornalista sira iha Palasiu Governu, kuarta (19/08).
Hatán ba komentáriu públiku nian katak Governu politiza de’it, Ministra Saúde, Odete Belo hatete, Governu la iha razaun politiza ema nia saúde.
“Atu dehan de’it ministériu saúde laiha razaun ida dehan politiza moras ne’e no laiha razaun atu politiza ema nia saúde”, afirma Governante ba jornalista sira iha Palasiu Governu, kuarta (19/08).
Eis Diretora ne’ebé trata ba asuntu Medikamentu no Ekipamentu Saúde (SAMES-sigla Portugés) dehan la fasil atu halo tratamentu ba ema no la fasil halo vijilánsia sanitaria iha hotel ida-ida, tanba ema hotu-hotu sente kolen entaun politiza buat sira ne’e atu manan saida.
Entretantu durante estadu emerjénsia fulan-3 dahuluk situasaun covid-19 Timor-Leste total númeru teste na’in-1855, konfirmandu nain-24 rekupera nain-24, negativu nain-1817, no mate 0.
Iha fali loron 3 fulan Agostu Timor-Leste rejistu kazu foun iha faze new normal maibé oras ne’e pasiente refere rekupera.(Jornalista: Jaime Pires)
748 total views, 3 views today
Oinsa Ita nia Reaksaun iha Notisia Nee?
You have reacted on “Governu Laiha Razaun Politiza Ema Nia Saúde”
Bele hare Video Seluk :
Subscribe to Timorpost1
/
2004
MEMBRU CSP NA'IN 12 KOMPLETA FORMASAUN ASEGURA ALTA ENTIDADE
POVU HUSU GOVERNU ATU DEZENVOLVE NASAUN HO DIAK LIU TAN NO KUALIDADE MOLOK ADERE BA ASEAN
PR HORTA AGRADESE BA LIURAI BRUNEI NE’EBE PARTISIPA IHA KOMEMORASAUN 20 MAIU
1
/
2004
