Jornalista Olga Soares / Editór Noémio Falcão
DILI (Timor Post)—Reuniaun Komisaun Ministeriál, ne’ebé lidera hosi vise Primeira Ministra, aprova ona implementasaun vasina Pfizer alvu ba labarik idade 12 to’o 17 iha Munisípiu Dili, Kovalima, Bobonaro no Ermera.
Rajaun governu nia atensaun ba munisípiu haat ne’e tanba númeru afetadu COVID-19 aas liu ho variante Delta.
“Ita hatene munisípiu haat mak sai kontájiu ba kazu variante Delta. Tanba ne’e vasina Pfizer ne’ebé ita sei simu iha fulan Setembru hosi COVAX facility ho doze 1.620, ne’ebé ita sei aplika liu ba labarik ho idade 12 to’o 17 iha munisípiu haat ne’e”, Vise Ministru Saúde, Bonifácio Maucoli dos Reis, ba jornalista iha salaun MSSI Kaikoli, Segunda (09/08).
Governante ne’e informa, vasina Pfizer ne’e sei fó ba labarik rihun 181, labarik hirak ne’ebé eskola no sira ne’ebé la eskola.
“Hosi labarik hirak ne’ebé eskola hamutuk rihun 145 no hirak ne’ebé la eskola hamutuk rihun 36, hamutuk rihun 181 mak sei simu vasina Pfizer”, nia informa.
Tanba ne’e, governu mós iha planu sei sosa vasina ho orsamentu estadu no orsamentu ne’ebé prevee mai hosi Difat ho montante $6. 1 millaun hodi sosa vasina, hahú hosi fulan Augusto nia laran MS, sei dezenvolve mata dalan nune’e dezeñu mapeamentu, prepara mós korrente malirin oinsá atu armazena vasina Pfizer. Tanba vasina refere rai iha temperatura menus hosi 90 70%.
“Atu asegura kualidade ida ne’e mak ita halo preparativus di’ak liu tan, tanba ne’e bainhira vasina Pfizer to’o mai TL, ita preparadu hodi armazena”, nia hakotu. (Lee notísia seluk iha Jornál Timor Post)
909 total views, 3 views today
Bele hare Video Seluk :
Subscribe to Timorpost
