DILI (timorpost.com) — Polisia Nasionál Timor-Leste (PNTL), rejista sidadaun mane ida ho naran Angelo de Jesus Ximenes, idade 60, mate derrepente iha nia rezidénsia Bairru Formosa, Postu Administrativu Dom Aleixo, Munisípiu Dili.
Portavós Komandante Jerál PNTL, Superintendente Xefe Arnaldo de Araújo, hato’o asuntu ne’e ba jornalista sira iha Komandu Jerál PNTL, Kaikoli Dili, Tersa (14/02).
“Hakarak informa ba ita hotu katak iha loron Segunda 13 fulan Janeiru tinan ne’e, iha oras tuku 07:15, ita-nia sidadaun mane ida ho naran Angelo de Jesus Ximenes, ho idade 60, mate derrepente iha nia rezidénsia Bairru Formosa,” nia hateten.
Nia dehan, motivu tanba saida mak mate ne’e, la hatene maibé tuir informasaun ne’ebé PNTL foti iha terenu katak, sidadaun ne’e mate derrepente de’it.
Nia informa, sidadaun mane ida mate derrepente ne’e husi Munisípiu Ermera mai hela iha bairru Formosa.
Maten isin horisehik, parte Forensik sira lori kedas ba iha Hospital Nasionál Guido Valadares (HNGV) hodi halo prosesu autópsia
1,703 total views, 3 views today
Bele hare Video Seluk :