DILI (timorpost.com)—Defeza ba Longuinhos Monteiro, Defensór Públiku Estaqui Guterres, hatete liga ba kazu Longuinhos ne’e, nia parte seidauk simu notifikasaun ruma katak, Ministériu Públiku haruka ona akuzasaun ba iha tribunal.
“Ha’u seidauk simu notifikasaun ka informasaun ruma husi Ministériu Públiku ka Tribunal katak kazu Longuinhos Monteiro nian ne’e tama ona iha tribunal, maibé karik mak ita boot sira rona katak tama ona iha tribunal, entaun ita boot ( Jornalista) sira ba konfirma iha tribunal no tribunal mak iha kompeténsia klarifika katak kazu ne’e rejista ona no ida ne’e la’ós kompeténsia defeza, ha’u rasik la iha koñesimentu ba ida ne’e, “dehan Estaqui ba Timor Post iha TJPID, Sesta (24/11).
Hanesan defeza prosesu ba kazu Longuinhos Monteiro ne’e, sei iha hela faze investigasaun, maibé prosesu investigasaun remata ona ka seidauk remata ne’e nia parte la hatene.
Iha sorin seluk, Programa Officer Asia, Justice and Rights ( AJAR), Inocêncio Xavier hatete, tuir nia hanoin tribunal sei absolve Longuinhos Monteiro, tanba momentu sira halo kapturasaun ne’e la ho mandadu tribunal, entaun buska no apresaun ne’e ilegál.
Nia dehan, evidénsia ne’ebé iha kontra duni lei arma branka, maibé prosesu apresaun no buska ne’e ilegál.
” Tanba ita hare ema sira ne’ebé mak halo buska no apresaun ne’e, sira la sériu atu kombate arma branka, sira hatene katak iha duni sira tenke husu autorizasaun, ida ne’e mak Prosesu legal,” dehan nia.
Tuir nia, maski prosesu ne’e ba tribunal, maibé ikus tribunal sei absolve, tanba buska ho apresaun ne’e ilegál.
935 total views, 6 views today
Bele hare Video Seluk :
Subscribe to Timorpost
