DILI, (timór post.com)– Provedór Direitus Humanu no Justisa (PDHJ), Virgílio da Silva Guterres ‘Lamukan”, hatete daudauk ne’e PDHJ akompaña hela kazu pesoál membru forsa fuzileiru husi Komponente Naval ne’ebé hetan tiru kanek husi membru Polísia Nasionál Timor-Leste (PNTL) ho naran inisiál AM, husi Unidade Espesiál Polísia (UEP), no hein katak Komandu instituisaun F-FDTL no PNTL bele hola medida rigurózu hasoru membru ne’ebé komete.
“Liga ho kazu ida-ne’e ha’u pesoál mós akompaña hela informasaun sira ne’e, seidauk iha komuniksaun formál ruma no informál ruma ho responsável entidade rua ne’e, maibe ha’u fiar katak entidade rua ne’e iha ona medida atu hola hasoru nia elementu sira ne’ebé involve iha kazu”, dehan Virgílio da Silva Guterres ‘Lamukan”, ba jornalista sira iha Kaikoli, Segunda, (19/02).
Nia dehan, “Ida-ne’e ita ko’alia kona-ba utilizasaun arma no utilizasaun rekursu Estadu nian hodi halo krime, ida-ne’e, Provedór hein katak entidade rua ne’e sei investiga ho prova katak membru sira entidade rua ne’e involve iha laran tenke hola medida rigorózu hasoru membru sira ne’e”.
Ba kazu ne’e, to’o oras ne’e PDHJ seidauk simu keixa ruma husi família vítima tantu vítima maibé PDHJ rasik akompaña hela informasaun kona-ba insidente ne’e no fiar katak komandu PNTL no F-FDTL sei hola medidda rigurózu hasoru nia elementu sira.
Entretantu kazu ne’e, akontese iha loron 18 fulan-Feveréiru tinan 2024, hale’u tuku 05:00 madrugada iha área Likintai, kapitál Dili.(*)
2,601 total views, 3 views today
Bele hare Video Seluk :
Subscribe to Timorpost
