DILI (timorpost.com)—Embaixadóra Portugal iha Timor Leste, Maria Manuela Freitas Bairos ho Ministru Defeza (MD), Donaciano C. Gomes “Pedro Klamar Fuik” diskute asuntu kooperasaun iha area Defeza.
“Kooperasaun Portugal ho Timor Leste dezde restaurasaun Independénsia ba atividade hotu-hotu ne’ebé halo iha kuadru militár no area sira seluk no mós halo diskusaun iha kuadru kooperasaun ne’ebé mak aprofunda no sei hadi’a atu nune’e ba oin la’o di’ak liu tan,” Ministru Defeza (MD), Donaciano C. Gomes, ba Jornalista hafoin enkontru ho Embaxadora Portugal iha Edifísiu MD Fatuhada, Sesta-Feira (22/09/2023).
Ministru ne’e re-afirma, Portugal la’ós fó apoiu de’it maibé fó asisténsia formasaun ba asesoria inklui traballadór balun mais kompletu hanesan ekipa movel para prepara militár Timor oan atu nune’e haruka sira ba Portugal.
Iha fatin hanesan, Embaixadora Portugal Maria Manuela Freitas Barros, informa, Portugal servisu hamutuk ho Timor Leste dezde Restaurasaun Independénsia no apoiu material ba FALINTIL Forsa Defeza Timor Leste (F-FDTL) nian.
Embaixadóra ne’e promete sei kontinua apoiu Timor Leste durante mandatu IX Governu nian. Nune’e mós apoiu seluk ba populasaun sira, espera kooperasaun ne’e sei realiza ho di’ak iha futuru.
“Portugal kompremetidu apoiu F-FDTL liu husi material no asisténsia formasaun espera kooperasaun nee sei realiza di’ak liu iha futuru”. Hakotu.
1,029 total views, 6 views today
Bele hare Video Seluk :
Subscribe to Timorpost
