DILI (Timor Post) – Fundasaun Mahein deklara, Primeiru Ministru, Taur Matan Ruak, nia planu la halo rekrutamentu ba Membru Polísia Nasionál Timor-Leste (PNTL), foun ne’e la apar ho estatutu PNTL nia ne’ebé sira halo ona aprovasaun.
“Deklarasaun Primeiru Ministru, dehan atu kansela rekrutamentu ba membru PNTL iha tinan ida ne’e, polítika Governu nian, maibé la apar ho lei estatutu pesoál PNTL ne’ebé Konsellu Ministru aprova ona ne’e, la kondiz ho estetimentu ne’ebé Primeiru-Ministru, Taur Matan Ruak nian,” dehan Diretór Fundasaun Mahein, Abel Amaral ba Timor Post Online liuhusi Telefónika, Sesta (12/08).
Nia dehan, tanba Prezidente Repúblika promulga estatutu lei PNTL ne’e signifika Membru ne’ebé tama ona idade reforma, sira ne’ebé sofre moras permanente ne’e lakunas ida ba Komandu atu halo reforma.
“Ida ne’e mak Primeiru Ministru, dehan laiha rekrutamentu entaun ba reforma PNTL no sira ne’ebé moras permanente sei difikulta ba Komandu atu foti desizaun,” hateten nia.
Nia hateten tan, númeru PNTL agora liu ona rihun haat, maibé ne’e seidauk korresponde ba territóriu tomak, tanba númeru ne’e mak daudaun ne’e PNTL iha seidauk sufisiente.
“Númeru PNTL agora iha ne’e seidauk sufisiente ne’e mak kada suku ida koloka de’it OPS na’in ida no Membru PNTL sira barak mak halo servisu rua ka tolu,” hateten nia.
Tanba haree ba Ofisial Polísia Suku (OPS) sira ne’e halo servisu iha Suku, maibé sira mós ba apoiu fali tan servisu iha Postu Administrativu sira ka eskuadra PNTL sira ne’ebé iha.
“Tanba ne’e mak ami la’ós rejeita desizaun Primeiru Ministru nian, maibé desizaun ne’ebé hasai sei afeta ba servisu PNTL nia iha terenu,” hakotu nia.
2,848 total views, 3 views today
Bele hare Video Seluk :
Subscribe to Timorpost
