Lautem (Timor Post) – Administradór Munisípiu Lautem, Domingos Savio, rekoñese estrada públiku iha Postu Administrativu Lospalos Vila, kondisaun at liu no tahu dodok difikulta tebes movimetasaun transporte.
“Infraestrutura Bázika ba kondisaun estrada ne’ebé aat hosi Lautem to’o Lospalos villa, ne’e kompeténsia hosi Ministériu Obrsas Publikas, oinsá mak bele hadi’ak,” nia hateten ba Timor Post Online iha nia kna’ar fatin Lospalos, Sesta (12/08).
Nia dehan, kondisaun estrada aat, sira sempre halo planu oinsá mak bele halo konstrusaun ba estrada foun ka reabilitasaun ba estrada tuan sai foun.
“Ita halo planu liuhosi projetu Planu Dezenvolvimentu Munisipál (PDM), nune’e ba kondisaun estrada aat, iha hotu planu nia laran, liuliu Ministériu Obras Publikas Munisipiu Lautem nian,” nia hato’o.
Nia dehan, planu atu halo konstrusaun no reabilitasaun ba estrada tuan sai foun, sira levanta ba Ministériu Obras Publikas liuliu Governu Sentral, maibé daudaun ne’e seidauk iha desizaun ruma, tanba planu Governu nian buat hotu tuir Lei haruka.
Alende ne’e mós hosi projetu PDM mai halo monitorizasaun no survei ba estrada dodok hosi Lautem to’o Lospalos villa, no planu hirak ne’e sei ezekuta iha tinan 2023.
“Ita hatene estrada hosi Lautem to’o mai Losplaos villa, hosi Iliomar ba Lore, entaun programa ida ne’e lá’os Munisipál nian, maibé ne’e planu nasionál, karik mak aprova Lei no orsamentu ita mós prontu halo konstrusaun estrada,” nia informa.
Nia afirma, entaun estrada hirak ne’e haan kustu boot, tanba ne’e grande projetu, no dehan fulan Setembru no Outubru tama ona prosesu tender.
“Ha’u fiar katak programa ba tenderizasaun Planu Dezenvolvimentu Munisipál (PDM), sei hadi’a lalais ita-nia estrada, no ha’u husu Komunidade Munisípiu Lautem oan sira, ita hein prosesu tanba konstrusaun hot-hotu mai hosi Governu Sentrál”, nia hakotu
3,232 total views, 3 views today
Bele hare Video Seluk :
Subscribe to Timorpost
